புளியை மூன்று டம்ளர் தண்ணீர் விட்டு ஊற வைத்து கரைத்து வைத்துக் கொள்ளவும்.பச்சை மிளகாயை கழுவி பொடியாக அரிந்து வைத்துக்கொள்ளவும். ஒரு பெரிய வெங்காயம் 10 சின்ன வெங்காயம் பொடியாக அரிந்து வைத்துக்கொள்ளவும். கருவேப்பிலை கழுவி கிள்ளி வைக்கவும்.

ஒரு வாணலியை அடுப்பில் வைத்து எண்ணை விட்டு சூடானதும் கடுகு உளுந்து தாளிக்கவும்.கடுகு உளுந்து சிவந்ததும் பெருங்காயத்தூள் சேர்த்துபொடியாக நறுக்கிய வெங்காயம் பச்சை மிளகாய் கறிவேப்பிலை போட்டு நன்கு வதக்கவும். கரைத்து வைத்த புளி மஞ்சள்தூள் தேவையான அளவு உப்பு சேர்த்து கிளறி விடவும்.

அடுப்பை சிம்மில் வைத்து ஒரு குழி கரண்டி நல்லெண்ணெய் குழம்பில் சேர்த்து நன்கு பச்சை மிளகாய் வேகும் வரை கொதிக்க விடவும். துருவிய வெல்லம் 3 ஸ்பூன் சேர்த்து கிளறிவிட்டு 2 நிமிடம் கொதிக்க விடவும். குழம்பு மிகவும் கெட்டியாக ஆக வேண்டாம்.குக்கரில் தாளித்து வெங்காயம் பச்சை மிளகாய் வதங்கியதும் புளி ஊற்றி 2 விசில் விட்டும் செய்யலாம். எண்ணெய் மேலே மிதந்து வர வேண்டும். சுவையான பச்சை மிளகாய் குழம்பு தயார். காரத்திற்கு வெறும் பச்சை மிளகாய் மட்டும் தான் சேர்க்க வேண்டும்.

சூடான இட்லி தோசைக்கு தொட்டுக் கொண்டு சாப்பிட சுவையாக இருக்கும். பொட்டுக்கடலை சட்னியும் இதுவும் சேர தொட்டு சாப்பிட்டு பாருங்கள்.