சப்பாத்தி காளான் கிரேவி

காளானை மேல் தோல் நீக்கி சுத்தம் செய்து கழுவி இரண்டாக நறுக்கி வைக்கவும்.கடாயில் 1 டீஸ்பூன் ஆயில் விட்டு காளானை வதக்கி வைக்கவும்.

கடாயில் 1 டீஸ்பூன் ஆயில் விட்டு 1/2 பெரிய வெங்காயம் 1/2 குடைமிளகாய் நறுக்கி வதக்கி எடுத்து வைத்து விடவும். முந்திரி-10 தண்ணீரில் ஊற வைத்து மிக்ஸி ஜாரில் நைசாக அரைத்து வைத்து விடவும்.

2 டீஸ்பூன் இஞ்சி பூண்டு விழுது 1 பிரிஞ்சி இலை எடுத்து வைக்கவும்.மஞ்சள் தூள் 1/2 டீஸ்பூன், 1 டீஸ்பூன் மிளகாய்த் தூள், 2 டீஸ்பூன் தனியா தூள்,1/2டீஸ்பூன் சீரகத்தூள்,1/2 டீஸ்பூன் கரம்மசாலா எடுத்து வைக்கவும்.

கடாயில் 1 டேபிள் ஸ்பூன் ஆயில் விட்டு 1 பிரிஞ்சி இலை சேர்த்து பொடியாக நறுக்கிய 2 பெரிய வெங்காயம் சேர்த்து வதக்கி, இஞ்சி பூண்டு விழுது 2 டீஸ்பூன் சேர்த்து வதக்கி, பொடியாக நறுக்கிய தக்காளி 2 சேர்த்து வதக்கி வைக்கவும்.

தக்காளி நன்கு வாங்கியவுடன் உப்பு சேர்த்து கலக்கி மஞ்சள்தூள் மிளகாய்த்தூள் தனியாத்தூள் சீரகத்தூள் கரம் மசாலாத்தூள் சேர்த்து நன்கு வதக்கி பச்சை வாசனை நீங்க சிறிது தண்ணீர் விட்டு வேகவிடவும்.

வெந்தவுடன் அதில் அரைத்து வைத்த முந்திரி பருப்பு விழுதை சேர்க்கவும். கலக்கி கொதிக்கவிடவும்.

அதில் வதக்கி வைத்த காளானை சேர்க்கவும். அடுப்பை சிம்மில் வைத்து கசூரி மேத்தி சேர்த்து மூடி வைத்து 5 நிமிடம் வேக வைக்கவும். வதக்கி வைத்த வெங்காயம் குடை மிளகாயை சேர்த்து கலக்கி விடவும்.

நறுக்கிய கொத்தமல்லி தழையை சேர்த்து கலக்கி விட்டு அடுப்பிலிருந்து இறக்கி விடவும்.சுவையான காளான் கிரேவி ரெடி.😋😋 சப்பாத்தி செய்ய கோதுமை மாவு பிசைந்து வைக்கவும்.

சுவையான சப்பாத்தி காளான் கிரேவி ரெடி😋😋