ஒரு பவுலில் வெதுவெதுப்பான தண்ணீர் ஊற்றி சர்க்கரை சேர்த்து நன்கு கரைத்து ஈஸ்ட் சேர்த்து கலந்து விட்டு 10 நிமிடம் அப்படியே வைக்கவும். பிறகு அதில் மைதா மாவு, உப்பு,எண்ணெய் விட்டு தேவைப்பட்டால் தண்ணீர் ஊற்றி சப்பாத்தி மாவு பதத்திற்கு பிசைந்து வைக்கவும்.

இந்த மாவின் மேல் லேசாக எண்ணெய் தடவி மூடி போட்டு அப்படியே 1 மணி நேரம் வைக்கவும். மாவு இரண்டு பங்கு ஊறி வந்த பிறகு இதை கைகளால் அழுத்தம் கொடுத்து நன்கு பிசைந்து கொள்ளவும். இதில் ஒரு பங்கு மாவு எடுத்து வைக்கவும்.

இந்த மாவை சப்பாத்தி கட்டையில் வைத்து தேய்த்து அதன் மேல் போர்க் வைத்து குத்தி கொள்ளவும்.பின்னர் தோசை கல்லில் போட்டு லேசாக இரண்டு பக்கமும் வேக வைத்து எடுத்து தனியாக வைக்கவும்.

பீட்ஸா ட்ரேயில் லேசாக மாவு தூவி எல்லா பக்கத்திலும் படும் படி நன்றாக தேய்த்து விடவும். பன்னீர் சிறு சிறு துண்டுகளாக நறுக்கி மஞ்சள் தூள், உப்பு, மிளகாய் தூள், மிளகு தூள் சேர்த்து கலந்து வைக்கவும்.

பீட்ஸா ட்ரேயில் மீதமுள்ள மாவு எடுத்து வட்ட வடிவில் அழுத்தம் கொடுத்து பரத்தி கொள்ளவும். அதன் மேல் சீஸ் லேயர் வைத்து சீஸ் லேயர் மேல் வேக வைத்து எடுத்த ஒரு பங்கு மாவு வைத்து எல்லா ஓரங்களை மடித்து நன்கு சீல் செய்து கொள்ளவும்.

பிறகு இதன் மேல் பீட்ஸா சாஸ் தடவி மேலே சீஸ் துருவல் சேர்த்து அதன் மேல் வெங்காயம், குடைமிளகாய் நறுக்கியது சேர்த்து பன்னீர் துண்டுகள் சேர்த்து மீண்டும் அதன் மேல் தேவையான அளவு சீஸ் துருவல், ஓரிகனோ, சில்லி பிளேக்ஸ் சேர்த்து கொள்ளவும்.

ஓவனை 180 டிகிரி செல்சியஸில் ப்ரீஹூட் செய்து வைக்கவும். பிறகு ரெடி செய்த ட்ரேயை ஓவனில் வைத்து 15 நிமிடம் செட் செய்து வேக வைத்து எடுக்கவும். டோமினோ ஸ்டைல் பன்னீர் சீஸ் பர்ஸ்ட் பீட்ஸா தயார். நன்றி