ஒரு பவுலில் வெதுவெதுப்பான தண்ணீர் ஊற்றி ஈஸ்ட், சர்க்கரை கலந்து 15 நிமிடம் அப்படியே விடவும்.ஈஸ்ட் ஆக்டிவேட் ஆகி வந்ததும் மைதா மாவு, உப்பு, வெண்ணெய் சேர்த்து கலந்து விட்டு பிசைந்து வைக்கவும்.

இதை மூடி போட்டு 1 மணி நேரம் அப்படியே வைக்கவும்.மாவு உப்பி இரண்டு பங்காக வரும். பிறகு அழுத்தம் கொடுத்து பிசைந்து வட்ட வடிவில் தேய்த்து எடுத்து கொள்ளவும்.

பேக்கிங் ட்ரேயில் வெண்ணெய் தடவி அதன் மேல் இந்த மாவை வைத்து ஓரங்களை லேசாக கைகளால் அழுத்தி விடவும்.ஒரு போர்க் வைத்து குத்தி விடவும்.பீட்ஸா பேஸ் தயார்.

இந்த பேஸ் மீது பீட்ஸா சாஸ் தடவி விடவும்.பிறகு மயோனீஸ் சேர்த்து எல்லா பக்கங்களிலும் நன்றாக தடவி விடவும்.

பிறகு இதன் மேல் வெங்காயம், தக்காளி, குடைமிளகாய் நீளமாக நறுக்கியது சேர்த்து கொள்ளவும். ஓரிகனோ, சில்லி ஃப்ளெக்ஸ் தூவி தேவையான அளவு சீஸ் துருவல், மயோனீஸ் சேர்த்து கொள்ளவும்.

ஓவனை 180 டிகிரி செல்சியஸ் ப்ரீஹீட்டட் செய்து கொள்ளவும்.பிறகு இந்த ட்ரேவை ஓவனில் வைத்து 20 நிமிடம் பேக் செய்து கொள்ளவும். மயோனீஸ் வெஜ் பீட்ஸா தயார். நன்றி