தக்காளி சாதம்

பொதுவாகவே சாதம் செய்யும் முறை படி நன்றாக கழுவிய அரிசியை வடித்து சாதம் செய்து கொள்ளவும். பின்பு தக்காளியை அரைத்துக் கொள்ள வேண்டும்.

இப்போது பச்சை மிளகாயை அரைத்துக் கொண்டு கடாயில் எண்ணெய் விட்டு காய்ந்ததும் ஏலக்காய், கிராம்பு, பட்டை, லவங்கம், சீரகம், ஆகியவற்றை தாளித்து பின் நாம் வைத்துள்ள இஞ்சி பூண்டு விழுதையும் சேர்த்து பச்சை மிளகாயையும் சேர்த்து வதக்கவும்.

பின் தேவையான அளவு வெங்காயம் சேர்த்து வதக்கிக் கொள்ளவேண்டும் இறுதியாக தக்காளியை சேர்த்து வதக்க வேண்டும்.

மஞ்சள்தூளையும் உப்பையும் தேவையான அளவு சேர்த்து எண்ணெய் பிரியும் வரை வதக்கி சாதம் சேர்த்து கிளறவேண்டும்.

அடுப்பை நிறுத்தும் முன் கறிவேப்பிலை, கொத்தமல்லி தூவி பரிமாறலாம்.
இப்போது சுவையான தக்காளி சாதம் தயார்.