அரை மூடி தேங்காயை துருவிக்கொள்ளவும். வாணலியில் ஒரு ஸ்பூன் எண்ணெய் விட்டு சூடு ஏறியவுடன் அதில் இரண்டு ஸ்பூன் கடலைப்பருப்பு, இரண்டு ஸ்பூன் உளுத்தம் பருப்பு, வரமிளகாய் சேர்த்து சிவக்க வறுத்துக் கொள்ளவும். நெல்லிக்காய் அளவு புளி சிறுது நேரம் தண்ணீரில் ஊற வைத்து எடுத்து வைத்துக் கொள்ளவும். உப்பு தேவையான அளவு எடுத்துக் கொள்ளவும்.

ஆட்டுக் கல்லை நன்கு சுத்தப்படுத்திக் கொள்ளவும்.ஆட்டுக்கல்லில் தேங்காய் துருவல், புளி, மற்றும் வறுத்த பொருட்கள் அனைத்தையும் சேர்த்து தேவையான தண்ணீர் தெளித்து கையில் ஒட்டிக் கொள்ளவும். தங்கள் தேவைக்கு ஏற்ப கரகரப்பாகவும் நன்கு மசிய அரைத்துக் கொள்ளவும். தேவை என்றால் ஆட்டுக் கல்லில் இருந்து சட்னி வழிக்கும் முன்பு கொஞ்சம் கருவேப்பிலை சேர்த்து இரண்டு சுற்று ஆட்டிக் கொள்ளவும். ஆட்டுக்கல்லில்இருந்து துவையலை சுத்தமாக மேலே வழித்து எடுத்து பாத்திரத்தில் மாற்றிக் கொள்ளவும்.

வழித்து எடுத்துக்கொண்ட பிறகு ஆட்டுக்கல்லில் கொஞ்சமாக தண்ணீர் ஊற்றி கழுவி அந்த தண்ணீரை தனியாக எடுத்து வைத்துக் கொள்ளவும். தண்ணீரை இட்லி அல்லது தோசைக்கு சட்னியை கரைத்துக் கொள்ள உதவும். மீதி கெட்டியான சட்னியை மதியம் சாப்பாட்டிற்கு வைத்துக்கொள்ளலாம். தண்ணீர் தெளிக்காமல் ஆட்டினாள் இரண்டு நாட்கள் ஆனாலும் சட்னி கெடாது.

இட்லி தோசைக்கு தொட்டுக்கொள்ள தாளித்துக் கொள்ளவும். சாப்பாட்டிற்கு கெட்டியாக அப்படியே வைத்துக்கொண்டால் பிசைந்து இது சுவையாக இருக்கும்.