அடிகனமான ஒரு பாத்திரத்தில் 2 கப் தண்ணீர் ஊற்றி அடுப்பில் வைத்து சூடானதும் அதில் சர்க்கரையை உடைத்து சேர்த்து நன்றாக கொதிக்க வைத்து இறக்கி‌ வைக்கவும்.

அடையை ஒரே அளவில் சிறு துண்டுகளாக உடைத்து தண்ணீரில் நன்றாகக் கழுவி வடிகட்டியில் வடித்து எடுக்கவும்.

ஒரு பாத்திரம் அடுப்பில் வைத்து அதில் அடை மூழ்கும் அளவிற்கு தண்ணீர் சேர்த்து அதில் கழுவி வைத்திருக்கும் அடையை சேர்த்து 10 நிமிடம் வேக வைக்கவும்.

அடை வெந்ததும் அதை வடி கட்டியில் வடித்து விட்டு அதன் மீது சாதாரண தண்ணீர் ஊற்றி கழுவிக் கொள்ளவும்.(அடை ஒன்றின் மீது ஒன்று ஒட்டிக் கொள்ளாமல் இருப்பதற்காக)

தேங்காயை துருவி மிக்ஸி ஜாரில் போட்டு அதில் ஒரு கப் மிதமான சூடு தண்ணீர் சேர்த்து அடித்து வடிகட்டியில் அரித்து ஒரு கப் கட்டி பால் எடுத்துக் கொள்ளவும்.

அதே தேங்காய் கொத்தை திரும்பவும் மிக்ஸி ஜாரில் போட்டு இரண்டு கப் சூடு தண்ணீர் சேர்த்து நன்றாக அடித்து இரண்டாம் பால் ஒரு கப் எடுத்துக் கொள்ளவும்.

ஒரு பேன் அடுப்பில் வைத்து அதில் 2 டேபிள் ஸ்பூன் நெய் ஊற்றி சூடானதும் அதில் நறுக்கி வைத்திருக்கும் தேங்காய் துண்டுகள், முந்திரிப் பருப்பு, கிஸ்மிஸ் பழம் இவற்றை பொன்னிறமாக பொரித்து எடுக்கவும்.

ஒரு கடாய் அடுப்பில் வைத்து அதில் 2 டேபிள் ஸ்பூன் நெய் ஊற்றி சூடானதும் அதில் வேக வைத்து வைத்திருக்கும் அடையை சேர்த்து வதக்கவும்.

பின்னர் இதில் காய்ச்சி வைத்திருக்கும் சர்க்கரை பாகை வடிகட்டியில் வடித்து இதனுடன் சேர்த்து நன்றாக கொதிக்க விடவும்.

அடை சர்க்கரை பாகில் நன்றாக வெந்து இறுகி வரும் போது இரண்டாம் பால் சேர்த்து நன்றாக மிக்ஸ் பண்ணி வேக விடவும்.

இதில் சுக்குப் பொடி, ஜீரகப்பொடி, ஏலக்காய் பொடி சேர்த்து நன்றாக மிக்ஸ் பண்ணவும்.

இதில் ஒரு டேபிள் ஸ்பூன் நெய் சேர்க்கவும்.

வறுத்து வைத்திருக்கும் தேங்காய் துண்டுகள், முந்திரிப் பருப்பு, கிஸ்மிஸ் சேர்த்து நன்றாக மிக்ஸ் பண்ணவும்.

இறுதியாக இதில் ஒன்றாம் பால் கட்டியான தேங்காய் பாலை சேர்த்து நன்றாக மிக்ஸ் பண்ணி இறக்கவும்.

மிகவும் சுவையான கேரளா ஸ்பெஷல் அட பிரதமன் ரெடி.