ஒரு கடாயில் நெய் சேர்த்து சூடானதும் மாம்பழத் துண்டுகளை சேர்த்து ஒரு நிமிடம் சிறு தீயில் வதக்கவும். இதில் சர்க்கரை மற்றும் தேங்காய் துருவலை சேர்த்து சர்க்கரை கரையும் வரை வதக்கவும். இறுதியில் ஏலக்காய்த்தூள் மற்றும் சீரகத்தூள் சேர்த்து கலந்து அடுப்பை அணைக்கவும்.

ஒரு கிண்ணத்தில் ராகி மாவை சலித்து எடுத்துக் கொள்ளவும். இதில் ஏலக்காய் தூள் மற்றும் உப்பு சேர்த்து கலக்கவும். கூடவே வெல்லப் பாகை வடித்து சேர்த்துக் கொள்ளவும். இதனை கட்டியில்லாமல் கலந்து விடவும்.

இந்த மாவுக் கரைசலில் மாம்பழ கலவையை சேர்த்து கலந்து விடவும். வாழை இலைகளை செவ்வகமாக வெட்டி படத்தில் காட்டியுள்ளபடி கூம்பு வடிவில் மடித்து தூட்பிக்கை வைத்து குத்தி வைக்கவும். இவ்வாறு அனைத்தையும் தயார் செய்து கொள்ளவும்.

ஒரு கிளாஸில் மடித்த வாழை இலையை வைக்கவும். இதில் ஒரு குழிக்கரண்டி ராகி மாவு கலவையை ஊற்றவும். மேலே நறுக்கிய மாம்பழத் துண்டுகள் மற்றும் ஒரு முந்திரிப்பருப்பை வைக்கவும். இவ்வாறு தயார் செய்த அனைத்தையும் இட்லி பாத்திரத்தில் 30 நிமிடங்கள் மிதமான தீயில் வேக விடவும்.

குறிப்பு:
1. கொழுந்து வாழை இலையாக எடுக்கவும். இவை மடிப்பதற்கு சுலபமாக இருக்கும்.
2. முந்திரிப்பருப்பு டன் விருப்பப்பட்ட நட்ஸ் வகைகளை சேர்த்துக் கொள்ளலாம்.
3. இட்லி பாத்திரத்தில் ஒரு ஸ்டான்ட் வைத்து அதன் மேல் தட்டை வைத்து இந்த டம்ப்லர்களை அடுக்கி வேகவிடவும்.
4. வாழையிலை இல்லையென்றால் சிறிய கிண்ணத்தில் நெய் தடவியும் ராகி கலவையை ஊற்றி வேகவிடலாம்.
5. ராகி மாவு மாம்பழ கலவையை ஒவ்வொரு இலையிலும் அதிகமாக ஊற்றக் கூடாது. சில நேரங்களில் சரியாக வேகாது.