ஒரு பாத்திரத்தில் தண்ணீர் ஊற்றி தண்ணீரை கொதிக்க வைக்கவும் தண்ணீர் கொதித்து வரும் பொழுது ஊற வைத்த அரிசி மற்றும் உப்பு சேர்த்து மிதமான தீயில் வேக வைக்கவும்

அரிசி நன்றாக வெந்த பிறகு அதைத் தொட்டுப் பார்க்கவும் நன்றாக மசியும் அளவுக்கு வேக வேண்டும் அவ்வாறு வெந்த பிறகு அடுப்பை அணைத்து தண்ணீரை முழுவதும் வடித்து சூடாக இருக்கும்போதே சிறு கரண்டி கொண்டு சிறிது மசித்துக்கொள்ளவும்

பிறகு சாதம் நன்றாக ஆறிய பிறகு அதில் தயிர், காய்ச்சி ஆற வைத்த பால் சேர்த்து நன்றாக கலந்து கொள்ளவும்.. மற்றொரு கடாயில் கடுகு, கடலைப்பருப்பு தாளித்து அதில் கறிவேப்பிலை, பெருங்காயத் தூள் சேர்த்து தாளித்து தயிர் கலந்த சாதத்தில் சேர்க்கவும்

நறுக்கிய கொத்தமல்லி இலை சேர்த்து நன்றாக கலந்து கொள்ளவும்... இறுதியாக மாதுளை சேர்த்து ஒரு முறை கிளறி பரிமாறவும்... குழந்தைகள் விரும்பி உண்பதால் நான் இதில் நறுக்கிய பச்சை மிளகாய், நறுக்கிய இஞ்சி துண்டுகள் சேர்க்கவில்லை நீங்கள் உங்கள் விருப்பத்திற்கு ஏற்றவாறு பச்சை மிளகாயும், இஞ்சியும் சேர்த்து கொள்ளவும்

தயிர் சாதம் தயார் இதை மாங்காய் தொக்கு உடன் சேர்ந்து சுவைக்கவும் மாங்காய்த் தொக்கு செய்முறை பதிப்பு எனது பக்கத்தில் உள்ளது விருப்பமெனில் பார்க்கவும்