வாழைக்காயின் இரண்டு ஓரங்களையும் வெட்டி, பிறகு வாழைக்காயை இரண்டாக வெட்டி தண்ணீரில் சிறிது உப்பு சேர்த்து அரை பதத்திற்கு வேக வைக்கவும் (பார்க்கும்போது வாழைக்காயை தோல் சற்று கருத்தும் உள்ளே இளம் மஞ்சள் நிறத்திலும் இருக்கும் அவ்வாறு இருந்தால் போதும் 1/2 பதத்தில் வேக வைக்கவேண்டும் முழுவதும் வெந்து விட்டால் பொடிமாஸ் செய்யும் பொழுது குழைத்து விடும்)

பிறகு வாழைக்காயை குளிர் நீரில் 5 நிமிடம் வைத்து பிறகு வாழைக்காயின் தோலை நீக்கி படத்தில் காட்டியவாறு துருவிக்கொள்ளவும்... மற்றொரு வாணலியில் எண்ணை விட்டு எண்ணை சூடானதும் கடுகு, கறிவேப்பிலை, பெருங்காயத்தூள் சேர்த்து பொறிக்கவும், பிறகு இதில் நறுக்கிய வெங்காயம் சேர்த்து நன்றாக வதக்கிக் கொள்ளவும்

பிறகு துருவிய வாழைக்காய் சேர்த்து மிதமான தீயில் ஒரு நிமிடம் நன்றாக வதக்கவும் பிறகு இதில் மஞ்சள்தூள் உப்பு சரிபார்த்து தேவையான அளவு உப்பு சேர்த்து 2 நிமிடம் நன்றாகக் கிளறி குறைந்த தீயில் 2 நிமிடம் மூடி வைக்கவும்

இறுதியாக மிளகுத்தூள் சேர்த்து ஒரு முறை கிளறவும் பிறகு கொத்தமல்லி இலை தூவி பரிமாறவும் (இது செய்யும்பொழுது பார்ப்பதற்கு சற்று குழைத்தது போலவே தெரியும் ஆனால் முழுவதும் செய்து முடித்து 5 நிமிடம் கழித்து உதிரி உதிரியாக வந்து விடும் அதனால் செய்யும்பொழுது குழைத்து விட்டது என நினைக்க வேண்டாம்)

சுவையான வாழைக்காய் பொடிமாஸ் தயார்... குழந்தைகள் உண்பதால் இதில் நான் பச்சைமிளகாய், வரமிளகாய் சேர்க்கவில்லை நீங்கள் உங்கள் காரத்திற்கேற்ப பச்சை மிளகாய், வர மிளகாய் சேர்த்துக் கொள்ளலாம்