மேல் கூறிய தேவையான அனைத்து பொருட்களையும் தயாராக எடுத்து வைத்துக் கொள்ளவும். காலிஃபிளவரை ஒரே போல் அரிந்து உப்பு சேர்த்த கொதித்த தண்ணீரில் சேர்த்து கழுவி எடுத்து வைத்துக் கொள்ளவும்.

இப்போது ஒரு பௌலில் மைதா, கார்ன்ஃப்ளார், வர மிளகாய் தூள், உப்பு, இஞ்சி பூண்டு பேஸ்ட் மற்றும் சோயா சாஸ் சேர்த்து நன்கு கலந்து கொள்ளவும். தண்ணீர் சேர்த்து பஜ்ஜி மாவு பதத்திற்கு கரைத்துக் கொள்ளவும். பிறகு அதில் காலிஃப்ளவரை நன்கு கலந்து விட்டு 5 நிமிடம் வரை வைத்திருக்கவும்.

ஒரு வாணலியில் பொரிப்பதற்கு தேவையான எண்ணெய் ஊற்றி நன்கு சூடு செய்து கொள்ளவும்.அதில் காலிஃப்ளவர் கலவையை பொன்னிறமாக பொரித்து எடுத்து வைத்துக் கொள்ளவும். இதற்கிடையில் டேபிள் ஒரு ஸ்பூன் கார்ன் ஃப்ளார் மாவை ஒரு டம்ளர் தண்ணீரில் கரைத்து வைத்துக் கொள்ளவும்.

ஒரு நான்ஸ்டிக் கடாயில் ஒரு டேபிள்ஸ்பூன் வரை எண்ணெய் சேர்த்து அதில் அரிந்த பூண்டு துண்டுகளை சேர்க்கவும். 10 வினாடிகள் கழித்து அதில் வெங்காயத்தாள் மற்றும் குடை மிளகாயை ஒன்றன்பின் ஒன்றாக சேர்க்கவும். ஒரு மூன்று நிமிடம் வதக்கவும். குடைமிளகாய் லேசாக தோல் சுருங்கிய உடன் அதில் தலா ஒரு டேபிள்ஸ்பூன் சோயா சாஸ், டொமேட்டோ கெட்சப், சில்லி சாஸ், மற்றும் வினிகர், தே. அளவு உப்பு சேர்த்து கலக்கவும். பிறகு அதில் கரைத்து வைத்த கார்ன்ஃப்ளார் மாவை சேர்த்து கலந்து விடவும். கான்பிளவர் மாவு சேர்த்து கொதிக்க விடவும்.

கான்ப்ளவர் மாவு கொதிக்க ஆரம்பித்து சில வினாடிகளில் கெட்டியாகி பிசுபிசுவென்று ஆகும். அப்போது பொரித்து வைத்த காலிஃப்ளவரை சேர்த்து நன்கு கலந்து விடவும். எல்லாம் ஒன்றாக கலந்து ஒன்று சேரும் வரை பிரட்டி விடவும்.

கோபி மஞ்சூரியன் ரெடி. இதை கடாயில் இருந்து வேறு ஒரு பவுனுக்கு மாற்றிக் கொள்ளவும்.கடைசியாக சிறிது வெங்காய தாளை பச்சையாக தூவி அலங்கரித்து வைக்கவும். சப்பாத்தி, நான், குல்சா, போன்றவற்றிற்கு தொட்டுக்கொள்ள சுவையாக இருக்கும். பிரைட் ரைஸ் மற்றும் நவரத்தின புலாவிர்க்கும்,கீ ரைசிர்க்கும், பட்டாணி சாதத்திற்கும் கூட தொட்டுக் கொள்ள சுவையாக இருக்கும்.