காலிஃப்ளவரை சிறு சிறு துண்டுகளாக நறுக்கி வைத்து அதனை சூடாக உள்ள தண்ணீரில் உப்பு, மஞ்சள் தூள் கலந்து காலிஃப்ளவரை இதில் சேர்த்து 1 நிமிடம் கழித்து தண்ணீர் இல்லாமல் வடிகட்டி தனியாக எடுத்து வைக்கவும்.

ஒரு பவுலில் அரிசி மாவு, சோளமாவு, மைதா மாவு, உப்பு, மிளகாய் தூள், மிளகு தூள், காஷ்மீர் மிளகாய்த்தூள் சேர்த்து நன்கு கிளறி விட்டு தேவையான அளவு தண்ணீர் ஊற்றி பேஸ்ட் போல் கலந்து வைக்கவும்.

காலிஃப்ளவரை இந்த மிக்ஸில் நன்றாக கலந்து வைத்து பிறகு வானலில் எண்ணெய் ஊற்றி காய்ந்ததும் போட்டு பொரித்து எடுத்து கொள்ளவும்.ஒரு பவுலில் சோள மாவு 2ஸ்பூன், தண்ணீர் ஊற்றி நன்கு பேஸ்ட் போல் கலந்து வைக்கவும்.

வெங்காயம், குடைமிளகாய் இவற்றை கியூப் வடிவத்தில் நறுக்கி வைத்துக் கொள்ளவும். வானலில் 3ஸ்பூன் எண்ணெய் ஊற்றி காய்ந்ததும் பூண்டு பல் சிறு சிறு துண்டுகளாக நறுக்கியது சேர்த்து வதக்கி வெங்காயம், பச்சை மிளகாய் சேர்த்து லேசாக வதக்கவும்.

பிறகு குடைமிளகாய் சேர்த்து வதக்கிய பின் காஷ்மீர் மிளகாய்த்தூள், உப்பு சேர்த்து கிளறி சோயா சாஸ், டோமேட்டோ கெட்ச்அப், சில்லி சாஸ் சேர்த்து கலந்து விட்டு கலந்து வைத்த சோள மாவு பேஸ்ட் ஐ இதில் சேர்த்து 1/2ஸ்பூன் சர்க்கரை சேர்த்து நன்கு கலந்து விடவும்.

பிறகு இது நன்கு கலந்து ஒரு கொதி வந்ததும் பொரித்து எடுத்த காலிஃப்ளவரை இதில் சேர்த்து நன்றாக கிளறி விட்டு 1 நிமிடம் மூடி வைத்து வேக வைத்து கொத்தமல்லி தூவி இறக்கவும்.சுவையான கோபி மஞ்சூரியன் தயார். நன்றி