தேவையான பொருட்களை எடுத்து வைத்துக் கொள்ளவும். ஒரு கப் கோதுமை மாவை நன்கு சலித்து எடுத்துக் கொள்ளவும். அதில் ஒரு கப் தண்ணீர் விட்டு கட்டியில்லாமல் கரைத்துக் கொள்ளவும். பிறகு மீதியுள்ள நாலு டம்ளர் தண்ணீரையும் ஊற்றி நன்கு கலந்து விட்டு கொள்ளவும்.

இரண்டரை கப் சர்க்கரையில் அரை கப் சர்க்கரையை எடுத்து வெறும் வாணலியில் சூடு செய்து கேரமல் ஆக செய்து கொள்ளவும். தனியாக எடுத்து வைத்துக் கொள்ளவும்.அடி கனமான பாத்திரம் அல்லது நான்ஸ்டிக் கடாயில் ஒரு கப் நெயிலிருந்து சிறிது நெய் விட்டு முந்திரிப்பருப்பை தனியாக வறுத்து வைத்துக் கொள்ளவும். தனியாக எடுத்து வைத்துக் கொள்ளவும்.

இப்போது அதே கடையில் கரைத்து வைத்த கோதுமை மாவை சேர்த்து கலந்து விடவும்.மாவு கெட்டியாகும் நேரத்தில் 2 கப் சர்க்கரை சேர்த்து நன்கு கலந்து விடவும். அதிக தீயில் செய்யலாம்.

சர்க்கரை நன்கு கலந்து கரைந்த பிறகு தனியாக எடுத்து வைத்த கேரமல் சேர்த்து கை விடாமல் கிளறிக் கொண்டே இருக்கவும். பிறகு கால் டம்ளர் நெய் சேர்த்து மீண்டும் கைவிடாமல் கிளறவும். நெய் நன்கு இழுத்து கொண்டவுடன் மீண்டும் கால் டம்ளர் நெய் சேர்த்து கிளறி விடவும்.

இப்போது வறுத்து வைத்த முந்திரி பருப்பு சேர்த்து கிளறி விடவும். கோதுமை மாவு இப்பொழுதே வாணலியில் ஒட்டாமல் வர ஆரம்பிக்கும். மீண்டும் கால் டம்ளர் நெய் சேர்த்து கிளறவும்.

அல்வா வாணலியில் ஒட்டாமல் நன்கு சுருண்டு வர ஆரம்பிக்கும். கடாயில் நடுவில் எந்த புறமும் ஒட்டாமல் சுருண்டு ஒட்டாமல் வர ஆரம்பிக்கும். அப்போது அல்வா பதம் சரியாக வந்துவிடும்.வேறு ஒரு பாத்திரத்தில் ஒரு ஸ்பூன் நெய் விட்டு அல்வாவை மாற்றி கொள்ளவும்.

ஸ்பூனில் அப்படியே எடுத்தும் சாப்பிடலாம். அல்லது ஆற வைத்து துண்டுகளாக்கி யும் சாப்பிடலாம். சுவையான கோதுமை அல்வா தயார்