கோதுமை மாவை சப்பாத்தி மாவு  பதத்திற்கு (எண்ணெய் இல்லை) பிசைந்து கொள்ளவும்.

பிசைந்து வைத்துள்ள சப்பாத்தி மாவை 4 கப் தண்ணீரில் 3-4 மணி நேரம் ஊற வைக்கவும்.

4 மணி நேரம் கழித்து,  ஊறவைத்த சப்பாத்தி மாவை நன்கு கரைத்து கோதுமை பாலை மட்டும் வடிகட்டி எடுத்துக் கொள்ளவும்.

கனமான வாணலியில் 2 ஸ்பூன் நெய்யை சூடாக்கி, முந்திரி பருப்பை பொன்னிறமாக வரும் வரை வறுக்கவும்.

முந்திரி பருப்பு பொன்னிறமானதும், கோதுமை பாலை ஊற்றி நன்கு கலக்கவும்.

மிதமான சூட்டில் கெட்டியாகும் வரை நன்கு கலக்கவும்.

கோதுமை பால் கெட்டியானதும், 2 கப் சர்க்கரை சேர்த்து நன்கு கலக்கவும்.

அடுப்பை மிதமான சூட்டில் வைத்துக் கிளறவும்.

வேறொரு கடாயில் 1/4 கப் சர்க்கரை மற்றும் 2 ஸ்பூன் தண்ணீர் சேர்த்து கேரமல் தயாரிக்கவும்.

சர்க்கரை பொன்னிறம் ஆனதும், ​​அல்வா உள்ள வாணலியில் சேர்க்கவும்.

எல்லாவற்றையும் நன்றாக கலந்து ஒரு ஸ்பூன் நெய் சேர்க்கவும்.

அல்வாவிலிருந்து நெய் வெளிவர தொடங்கும் போது அடுப்பிலிருந்து இறக்கவும்.