சீரக சம்பா வெஜிடபிள் பிரியாணி

முதலில் காய்கறிகளை சுத்தம் செய்து சிறு சிறு துண்டுகளாக நறுக்கிக் கொள்ளவும். சிறிய வெங்காயத்தை மிக்ஸியில் மைய அரைத்துக் கொள்ளவும். தக்காளி வர மிளகாய் இவற்றை மிக்ஸியில் மைய அரைத்துக் கொள்ளவும். மீல்மேக்கரை சுடுதண்ணீரில் போட்டு எடுத்துக் கொள்ளவும்

சுத்தம் செய்து புதினாவை ஒரு கைப்பிடி எடுத்து கொள்ளவும். ஊறவைத்த பட்டாணியை குக்கரில் 2 விசில் விட்டு எடுத்துக் கொள்ளவும். பட்டை கிராம்பு ஏலக்காய் பிரியாணி இலை இவற்றை தயாராக எடுத்துக் கொள்ளவும். சீரக சம்பா அரிசியை அரை மணி நேரம் ஊற வைத்துக் கொள்ளவும்

ஒரு குக்கரில் 2 டேபிள் ஸ்பூன் நெய் விட்டு பட்டை கிராம்பு ஏலக்காய் பிரியாணி இலை இஞ்சி பூண்டு பேஸ்ட் புதினா இவற்றை வதக்கவும். சிறிய வெங்காயம் பேஸ்ட் நன்கு வதக்கவும். தக்காளி பேஸ்டை சேர்த்து சுருண்டு வரும் வரை வதக்கவும்.

தக்காளி நறுக்கிய பெரிய வெங்காயம் இவற்றைச் சேர்த்து வதக்கவும் பிறகு அரிந்து வைத்துள்ள காய்கறிகளை சேர்த்து வதக்கவும். பிறகு ஒரு டேபிள் ஸ்பூன் தயிர் சேர்த்து வதக்கவும்.

பிறகு ஊற வைத்த ஜீரக சம்பா அரிசியை சேர்த்து ஒன்னே முக்கால் அளவு டம்ளர் தண்ணீர் விட்டு தேவையான உப்பு சேர்த்து ஒரு ஸ்பூன் மிளகாய்த்தூள் சேர்த்து குக்கரை மூடி 2 விசில் விட்டு இறக்கவும்

விசில் குக்கரில் அடங்கிய பின் குக்கரைத் திறந்து 2 டேபிள் ஸ்பூன் நெய் விட்டு கிளறி கொத்தமல்லி இலைகளை தூவி சூடாகப் பரிமாறவும்