தேவையான அனைத்து பொருட்களையும் எடுத்துக் கொள்ளவும். ஒரு கப் அரிசியை இரண்டுமுறை கழுவி, 10நிமிடம் முன்பே ஊறவைக்கவும்.

குக்கரில் 2ஸ்பூன் எண்ணெய் விட்டு, பிரியாணி இலை, லவங்கம், பட்டை,ஏலக்காய், அன்னாசி மொட்டு, சேர்த்து வதக்கவும். பின் பச்சை மிளகாயை கீறி போட்டு வதக்கவும்.

நறுக்கிய வெங்காயத்தை பொன்னிறமாக வறுத்து, இஞ்சி பூண்டு விழுது சேர்த்து பச்சை வாசனை போக வதக்கவும். தக்காளியை சேர்த்து வதக்கவும்.

நறுக்கிய புதினா, கொத்தமல்லி இலை சேர்த்து வதக்கவும். பீன்ஸ், கேரட், பட்டாணிகளை சேர்த்து வதக்கவும்.

பின் மிளகாய் தூள், பிரியாணி மசாலா, மல்லித்தூள் சேர்த்து, பச்சை வாசனை போக வதக்கவும்.

4ஸ்பூன் தயிரை சேர்த்து வதக்கவும். பின் ஊறவைத்த அரிசியை சேர்த்து கலந்து விடவும். பின் தண்ணீர் சேர்க்கவும்.உப்பு சேர்த்து, 1/2ஸ்பூன் எலுமிச்சை சாறு கலந்து விடவும். (அதாவது 1கப் அரிசிக்கு 1 1/2கப் தண்ணீர் விட்டு கொதிக்க விடவும்.) கொதி வந்ததும் குக்கர் மூடி போட்டு, மிதமான தீயில் 2 விசில் விட்டு இறக்கவும்.

பின்னர், முந்திரியை நெய்யில் வறுத்து சேர்த்துக்கவும். சிறிது கொத்தமல்லி தழை தூவி, தயிர் பச்சடியுடன் சேர்த்து பரிமாறவும்.