கடலைப்பருப்பை அது மூழ்கும் அளவு தண்ணீர் விட்டு ஒரு மணி நேரம் ஊற வைக்கவும்

மிக்ஸி ஜாரில் மிளகாய், பூண்டு பல் சேர்த்து ஒரு சுற்று சுற்றி பொட்டுக்கடலை சேர்த்து அரைக்கவும்

இதனை சிறிது தண்ணீர் விட்டு விழுதாக அரைத்தெடுக்கவும்

ஒரு மிக்சிங் பௌலில் அரிசி மாவுடன் பட்டர் அல்லது நெய் சேர்த்து தேவையான அளவு தூள் உப்பு சேர்க்கவும். பொடிதாக நறுக்கிய கறிவேப்பிலை சேர்க்கவும்

ஊறவைத்த கடலைப் பருப்பை தண்ணீர் வடித்து சேர்க்கவும். அரைத்த மிளகாய் விழுதையும் சேர்க்கவும்.

இதனை தண்ணீர் விடாமல் நன்கு கெட்டியாக பிசைந்து எடுத்துக் கொள்ளவும்

ஒரு எண்ணெய் பாக்கெட்டு அல்லது ஒரு பாலித்தீன் கவர் இரண்டாக கட் செய்து அதன்மேல் மாவை ஒரு பகுதியில் சிறு சிறு உருண்டைகளாக அதாவது சிறு எலுமிச்சை அளவு உருண்டைகளாக 2 (அ) 3 உருட்டி வைக்கவும். கவரின் மற்றொரு பகுதியை வைத்து அப்படியே மூடவும் (படத்தில் உள்ளது போல்) ஒரு சிறு டவராவை உருண்டைகள் மீது வைத்து மேலே மெதுவாக அழுத்தவும் (அதாவது வட்ட வடிவில்)

ஒரு கடாய் அல்லது எண்ணெய் சட்டியில் தாராளமாக எண்ணெய் விட்டு காய்ந்ததும் தட்டைகளை போட்டு இருபுறமும் திருப்பிவிட்டு பொரித்து எடுக்கவும்