ஒரு பாத்திரத்தில் 3/4கிலோ இடியாப்பம் மாவை தேவையான அளவு வெந்நீர்,உப்பு தூள் மற்றும் கொஞ்சம் பச்சை தண்ணீர் ஊற்றி இழுத்து குழைக்கவும்.

இடியாப்பம் தட்டிற்கு எண்ணெய் தடவி கொண்டு உரலில் தேவையான அளவு குழைத்த மாவை வைக்க வேண்டும்.

இட்லி பாத்திரத்தில் தேவையான அளவு தண்ணீர் ஊற்றி சூடான பிறகு நெறித்து வைத்த இடியாப்பத்தை இட்லி பாத்திரத்தில் உள்ளே வைத்து மூடி வைத்து வேக வைக்கவும்.

இடியாப்பம் ரெடி.
200கிராம் கடலைப் பருப்பை நன்றாக கழுவி 1மணி நேரம் ஊற வைக்க வேண்டும்.
3மீடியம் அளவு பச்சை மிளகாய்,1டீஸ்பூன் பெருஞ்சீரகம்,8பல் பூண்டு,சிறிய துண்டு இஞ்சி,தேவையான அளவு உப்பு தூள் போட்டு மிக்சி ஜாரில் போடவும்.

மேலே குறிப்பிட்டுள்ள பொருட்களை கொஞ்சம் கொர கொரப்பாக அரைத்துக் கொள்ளவும்.
வாணலியில் தேவையான அளவு எண்ணெய் ஊற்றி சூடான பிறகு சிறிது சிறிதாக பக்கோடா போல் போட்டு பொன் நிறமாக வறுத்துக் கொள்ளவும்.

கடலைப் பருப்பு பக்கோடா ரெடி.
தேவையான அளவு எண்ணெய்,
2பிரியாணி இலை,1துண்டு பட்டை,5கிராம்பு,6ஏலக்காய்,கருவேப்பிலை சிறிதளவு,
3வெங்காயம்,4தக்காளி,1டீஸ்பூன் இஞ்சி பூண்டு விழுது,உப்பு தூள்-தேவையான அளவு,1டீஸ்பூன் மிளகாய் தூள்,1டீஸ்பூன் மல்லி தூள்,1டீஸ்பூன் கரம் மசாலா.அனைத்தையும் தயார் செய்துக் கொள்ளுங்கள்.

வெங்காயம் & தக்காளியை பொடியாக நறுக்கிக் கொள்ளுங்கள்.
பாத்திரத்தில் தேவையான அளவு எண்ணெய் ஊற்றி சூடான பிறகு 2பிரியாணி இலை,1துண்டு பட்டை,5கிராம்பு,6ஏலக்காய்,1டீஸ்பூன் பெருஞ்சீரகம் போட்டு தாளித்துக் கொள்ளவும்.

பொடியாக நறுக்கிய வெங்காயத்தை போட்டு வதக்கவும்.அடுத்து தக்காளி,இஞ்சி பூண்டு விழுது,மிளகாய் தூள்,மல்லி தூள்,கரம் மசாலா,தேவையான அளவு உப்பு தூள்,கையளவு புதினா இலை போட்டு வதக்கிக் கொள்ளவும்.

தேவையான அளவு தண்ணீர் சேர்த்து ஒரு கொதி விடவும்.அடுத்து வறுத்து வைத்த கடலை பருப்பு பக்கோடாவை போடவும்.

அடுத்து 10நிமிடம் மூடி வைத்து மிதமான தீயில் கொதிக்க விடவும்.

"சென்னை வடகறி"ரெடி......