தம் பிரியாணி செய்ய மேலே கொடுத்துள்ள தேவையான பொருட்களை எடுத்து தயாராக வைக்கவும்.

பன்னீர்,சோயாவை கழுவி எடுத்து வைக்கவும்.

வெங்காயத்தை நீளவாக்கில் நறுக்கி வாணலியில் போட்டு பொன்னிறமாக பிரவுன் கலர் வரும் வறுத்து எடுக்கவும். பின் முந்திரியை சேர்த்து நன்கு வறுத்து எடுத்து வைத்துக் கொள்ளவும்.

தாளிக்க தேவையான பொருட்களை எடுத்து தயாராக வைக்கவும்.

மிக்ஸியில் இஞ்சி, பூண்டு, பச்சை மிளகாய் சேர்த்து அரைத்து வைத்துக் கொள்ளவும்.

பாத்திரத்தை ஸ்டவ்வில் வைத்து அதில் ஒரு ஸ்பூன் எண்ணெய்,பட்டை, கிராம்பு, ஏலக்காய், உப்பு, தண்ணீரை சேர்த்து கொதித்ததும் அரிசியை நன்கு கழுவி பத்து நிமிடங்கள் ஊற வைத்து சேர்த்து பாதி வெந்ததும்,தண்ணீரை வடித்து விட்டு எடுத்து வைத்துக் கொள்ளவும்.

வாணலியை ஸ்டவ்வில் வைத்து சூடானதும் நெய் சேர்த்து பட்டை,கிராம்பு, சீரகம்,ஏலக்காய்,பிரிஞ்சி இலை சேர்த்து வதக்கவும்.பின் இஞ்சி பூண்டு பச்சை மிளகாய் விழுது சேர்த்து வதக்கி,நறுக்கிய, வெங்காயம்,தக்காளி சேர்த்து வதக்கவும்.

தக்காளி சேர்த்து வதக்கி யவுடன் மிளகாய் தூள், தனியாத்தூள்,கரம் மசாலத்தூள் சேர்த்து வதக்கவும்.

அதன் பின் வறுத்து வைத்துள்ள பன்னீர், சோயாவை சேர்த்து நன்கு வதக்கவும்.பின் தயிர் சேர்த்து பச்சை வாசம் போகும் வரை வதக்கவும்.

வேறு ஒரு பாத்திரத்தை எடுத்து அதில் கொஞ்சமாக நெய் ஊற்றி, ஒரு லேயர் வடித்து வைத்துள்ள சாதத்தை சேர்த்து,அதன் மேல் பிரவுன் கலராக வறுத்து வைத்துள்ள வெங்காயம்,முந்திரி,மல்லி, புதினா தூவி, பின் பன்னீர், சோயாவை தூவி,பின் அடுத்த லேயர், இதே போல் இரண்டு, மூன்று லேயர் வைத்து கடைசியாக,வெங்காயம், மல்லி, புதினா, முந்திரி, எலுமிச்சை சாறு,ஒரு ஸ்பூன் நெய் தூவி மூடி வைக்கவும்.

இரண்டு அல்லது மூன்று லேயர் வைத்து, தோசை தவாவை ஸ்டவ்வில் வைத்து ஐந்து நிமிடங்கள் சூடானதும் அதன் மேல் பிரியாணி தயார் செய்து வைத்துள்ள பாத்திரத்தை வைத்து அலுமினிய ஃபாயில்
பேப்பர் வைத்து பின் மூடி போட்டு வைக்கவும்.

இதே முறைப்படி வெஜ், மட்டன், சிக்கன் எல்லாம் சேர்த்து செய்யலாம். அனைவரும் செய்து சுவைக்கவும்.