சிக்கன் துண்டுகளை மஞ்சள் தூள், சிறிது தயிர் சேர்த்து, தண்ணீர் ஊற்றி நன்கு கழுவி வடித்து எடுத்துக் கொள்ளவும். அதனுடன் முதலில் மிளகாய் தூள் சேர்க்கவும்

பிறகு இஞ்சி பூண்டு விழுது, மஞ்சள்தூள் சேர்க்கவும்

பிறகு காஷ்மீரி மிளகாய்த்தூள் தேவைக்கேற்ப உப்பு சேர்த்து நன்கு பிசறி விடவும்

இப்போது கெட்டித்தயிர், கார்ன்பிளார் மாவு இவற்றை சேர்க்கவும்

பிறகு ஒரு முட்டை உடைத்து ஊற்றி கையால் மீண்டும் நன்கு ஒரு சேர பிசறி 1 மணி நேரம் ஊற வைக்கவும்

ஒரு மணி நேரம் பிறகு ஒரு அடி கனமான கடாயில் தாராளமாக எண்ணெய் விட்டு காய்ந்ததும் இரண்டு கைப்பிடியளவு கறிவேப்பிலையை நன்கு பொரித்து தனியே ஒரு தட்டில் எடுத்து வைத்துக் கொள்ளவும்

பிறகு அதே எண்ணெயில் சிக்கன் துண்டுகளை கொஞ்சம் கொஞ்சமாக எடுத்து எண்ணெயில் போட்டு நன்கு பொரிக்கவும். (சிக்கன் துண்டுகள் சிறிது நிறம் மாறி வரும் வரை பொரிக்கவும். கருகி விடாமல் பார்த்துக் கொள்ளவும்)

நன்கு பொரித்து எண்ணெய் வடித்து எடுக்கவும்

இதேபோல் எல்லா சிக்கன் துண்டுகளையும் சிறிது சிறிதாக எண்ணெயில் போட்டு நன்கு வேகும் வரை பொரித்து அனைத்தையும் ஒரு தட்டில் சேர்த்து பொரித்த கறிவேப்பிலையைத் தூவி விடவும். மேலும் நீளவாக்கில் அரிந்த பெரிய வெங்காயத்தையும், எலுமிச்சை துண்டையும் சேர்த்து பரிமாறலாம்.