கோழிக்கறியை நன்கு கழுவி சுத்தம் செய்து மிளகாய் தூள், மல்லித்தூள் சேர்க்கவும்

மஞ்சள் தூள் சேர்த்து நன்கு பிசறி அரை மணி நேரம் ஊற வைக்கவும்

ஒரு கடாயில் 2 டேபிள்ஸ்பூன் நல்லெண்ணெய் விட்டு காய்ந்ததும் பட்டை, கிராம்பு, சீரகம், மிளகு சேர்த்து பொரியவிடவும்

பிறகு முந்திரிப்பருப்பு, இஞ்சித் துண்டு, பூண்டு பல் சேர்த்து அடுப்பை குறைத்து வைத்து நன்கு வதக்கவும்

பிறகு தேங்காய் துருவல் சேர்த்து நன்கு சிவக்க வரும் வரை மிதமான தீயில் வைத்துக் கிளறிக் கிளறி விட்டு வறுக்கவும்

வறுத்ததை நன்கு ஆற விட்டு மிக்ஸி ஜாரில் சேர்த்து சிறிது தண்ணீர் விட்டு நன்கு கெட்டியாக நைஸாக அரைத்தெடுக்கவும்

மற்றொரு கடாயில் 3 டேபிள்ஸ்பூன் நல்லெண்ணெய் விட்டு காய்ந்ததும் பட்டை, சோம்பு, நட்சத்திர பூ, கல்பாசி பூ, கருவேப்பிலை சேர்த்து தாளிக்கவும். பிறகு நீளவாக்கில் அரிந்த பெரிய வெங்காயத்தை சேர்த்து நன்கு வதக்கவும்

பிறகு பொடியாக அரிந்த தக்காளியை சேர்த்து மிதமான தீயில் நன்கு வதக்கி விடவும்

இப்போது பிசறி வைத்த கோழிக் கறியை சேர்த்து 2 நிமிடங்கள் குறைந்த தணலிலேயே வதக்கவும்

ஒரு கப் அளவு தண்ணீர் ஊற்றி கோழிக்கு மட்டும் தேவையான உப்பு சேர்த்து அடுப்பை அதிக தணலில் வைத்து, தட்டு கொண்டு மூடி, 15 நிமிடங்கள் வைத்திருக்கவும்

15 நிமிடங்கள் கழித்து திறந்தால் சிக்கன் முக்கால் பதம் வெந்து இருக்கும். இப்போது வறுத்தரைத்த தேங்காய் மசாலா விழுதை சேர்க்கவும்

இப்போது குழம்புக்கு தேவையான உப்பு சேர்த்து மீண்டும் 1கப் அளவு தண்ணீர் ஊற்றி அடுப்பை குறைவான தணலில் பத்து நிமிடங்கள் தட்டு கொண்டு மூடி வைக்கவும்