கருப்பு கொண்டைக்கடலை பிரியாணி

முதலில் தேவையான பொருட்கள் அனைத்தையும் தயாராக எடுத்து வைத்துக் கொள்ளவும்.பாஸ்மதி அரிசியை 20 நிமிடங்களில் இருந்து 30 நிமிடங்கள் ஊறவைத்து கொள்ளவும். ஊறவைத்த கறுப்பு கொண்டைக்கடலையை மூன்று விசில் வைத்து இறக்கிக் கொள்ளவும். 3/4 பாகம் வேக வைத்துக் கொள்ளவும்.ஒரு குக்கரை அடுப்பில் வைத்து அதில் 2 டீஸ்பூன் எண்ணெய் ஒரு ஸ்பூன் நெய் சேர்த்து காயவிட்டு எடுத்து வைத்துள்ள பட்டவைகளை சேர்த்து பொரியவிடவும்.பின்பு பெரிய வெங்காயம் இஞ்சி பூண்டு விழுது தக்காளி தயிர் புதினா கொத்தமல்லி ஒன்று ஒன்றாக சேர்த்து வதக்கவும்.

பின்னர் வேக வைத்த கொண்டைக் கடலையையும் சேர்த்து நன்றாக கலந்து எடுத்து வைத்துள்ள மசாலா பொருட்களை சேர்த்து தேவையான உப்பு சேர்த்து நன்றாக வதக்கிக் கொள்ளவும். பின்னர் ஊறவைத்த பாஸ்மதி அரிசியை சேர்த்து மெதுவாக கிளறி விடவும்.பின்னர் தேவையான அளவு தண்ணீர் சேர்த்து உப்பு சரிபார்த்து குக்கரை மூடி போட்டு மிதமான தீயில் 2 விசில் விட்டு இறக்கவும்.

இது நன்றாக ஆறியதும் ஒரு டீஸ்பூன் நெய் சேர்த்து கிளறி பரிமாறவும். இப்போது சுவையான ஆரோக்கியமான கருப்பு கொண்டைக்கடலை பிரியாணி தயார். நன்றி. ஹேமலதா கதிர்வேல்.