மஷ்ரூம் பிரியாணி

வெங்காயம், தக்காளி, மஸ்ரூம் ஆகியவற்றை நறுக்கிக் கொள்ளவும். மிக்ஸி ஜாரில் இஞ்சி, பூண்டு, கைப்பிடி அளவு கொத்தமல்லி, பச்சை மிளகாய் சேர்த்து அரைத்துக் கொள்ளவும்.

குக்கரில் 2 டேபிள் ஸ்பூன் எண்ணெய், 2 டேபிள் ஸ்பூன் நெய் ஊற்றி பட்டை, லவங்கம், பிரிஞ்சி இலை தாளிக்கவும். பின்னர் வெங்காயத்தை நன்கு வதக்கவும். வெங்காயம் வதங்கியவுடன் அதனுடன் அரைத்து வைத்துள்ள இஞ்சி, பூண்டு விழுதினை சேர்த்து நன்கு வதக்கவும். பின்னர் தக்காளி சேர்த்து வதக்கவும்.

வெங்காயம், தக்காளி நன்கு வதங்கி குழைந்தவுடன் மஸ்ரூம், மிளகாய்த்தூள், கரம் மசாலாத்தூள், உப்பு சேர்த்து நன்கு வதக்கவும்

அனைத்தும் நன்கு வதங்கிய பின்னர், கழுவி 10 நிமிடம் ஊற வைத்த பாசுமதி அரிசியை அதனுடன் சேர்க்கவும். ஒரு ஸ்பூன் நெய் சேர்த்து அரிசியை நன்கு கிளறவும்

ஒரு கப் அரிசிக்கு ஒன்றரை கப் தண்ணீர் என்ற அளவுக்கு தண்ணீர் சேர்க்க வேண்டும். ஆனால் மஸ்ரூம் அதிகமாக நீர் விடும் என்பதால் அரை கப் தண்ணீரை குறைத்து, இரண்டு கப் அரிசிக்கு இரண்டரை கப் தண்ணீர் சேர்த்து, உப்பு, காரம் சரிபார்த்து குக்கரை மூடி 2 விசில் விடவும். இரண்டு விசில் வந்தவுடன் சிம்மில் 10 நிமிடம் வைக்கவும்.. சுவையான மஸ்ரூம் பிரியாணி தயார்