மஷ்ரூம் ஐ நன்கு கழுவி சுத்தம் செய்து சிறிய துண்டுகளாக நறுக்கி வைக்கவும்.

மிக்ஸியில் கொத்தமல்லி,புதினா, சின்ன வெங்காயம், பச்சை மிளகாய் சேர்த்து நன்கு பேஸ்ட் போல் அரைத்து எடுத்து கொள்ளவும்.

குக்கரில் எண்ணெய், நெய் விட்டு பட்டை, கிராம்பு, ஏலக்காய், பிரியாணி இலை சேர்த்து தாளித்து வெங்காயம், சேர்த்து பொன்னிறமாக வதக்கி இஞ்சி பூண்டு விழுது சேர்த்து வதக்கவும்.

தக்காளி, உப்பு சேர்த்து நன்கு மசித்து வதக்கி கொள்ளவும்.பிறகு அரைத்த பேஸ்ட் சேர்த்து நன்கு வதக்கி தயிர் சேர்த்து கலந்து விடவும்.

நன்கு வதக்கய பிறகு எண்ணெய் பிரிந்து வந்ததும் மஷ்ரூம் சேர்த்து வதக்கவும்.மஷ்ரூம் சேர்த்து 2 நிமிடம் மூடி வைக்கவும். தண்ணீர் விட்டு வந்ததும் பிறகு 1 1/2 டம்ளர் தண்ணீர் ஊற்றி உப்பு காரம் சரிபார்த்து கொள்ளவும்.

பிறகு 20 நிமிடம் ஊற வைத்த பாஸ்மதி அரிசியை தண்ணீர் இல்லாமல் வடிகட்டி இதில் சேர்த்து கலந்து விடவும்.கடைசியில் சிறிதளவு புதினா தூவி குக்கரை மூடி 2 விசில் விட்டு இறக்கவும்.