கேரமல் ஆப்பிள் கேக்(Caramel apple cake recipe in tamil)

கேரமல் செய்ய : ஒரு கடாயில் சர்க்கரை சேர்த்து தண்ணீர் சேர்க்காமல் கலக்கவும். உருகி பிறகு தேன் கலர் ஆனதும் தட்டில் எண்ணெய் தடவி ஊற்றி ஆறவிடவும். ஆறின பிறகு மிக்ஸியில் சேர்த்து பவுடர் செய்ய வேண்டும்.

பிறகு முட்டை சேர்த்து பீட் செய்யவும், பின்பு சர்க்கரை, வெண்ணை, வெண்ணிலா எசன்ஸ், ஆகியவற்றை சேர்த்து பீட் செய்யவும். இதில் மைதா மாவு, பேக்கிங் சோடா, பேக்கிங் பவுடர், சேர்த்து பீட் செய்யவும்.

ஒரு ஆப்பிளை நறுக்கி கொள்ளவும். அதில் பட்டைத்தூள் கேரமல் பவுடர் சேர்த்து கலந்து வைக்கவும்.
அடுத்து ஒரு கேக் டின்னை சுற்றி வெண்ணையை தடவி ஒரு பட்டர் பேப்பரை வைத்து இந்த கேக் கலவையை பாதி ஊற்றி இதன் மேல் கேரமல் ஆப்பிள் துண்டுகள் சேர்த்து மீதுள்ள கேக் கலவையை ஊற்றி இதன் மேல் கேரமல் ஆப்பிள் துண்டுகள் மற்றும் முந்திரி பருப்பு, கேரமல் பவுடரை தூவி விடவும்.

அடுத்தது குக்கரில் மண் பரப்பி அதன்மேல், ஒரு தட்டு வைத்து கேக் பாத்திரத்தை உள்ளே வைக்கவும். குக்கரை மூடி மிகவும் குறைந்த தீயில் 45 நிமிடங்களுக்கு வேக வைத்து எடுக்கவும். 45 நிமிடங்கள் கழித்து வெளியில் எடுத்து ஆறவிடவும்.