தேவையான அனைத்து பொருட்களையும் எடுத்து தயாராக வைத்துக் கொள்க. முதலில் மைதா மாவை ஒரு அகலமான பவுலில் சேர்த்துக் கொள்க அதில் ஓமம் நெய் மற்றும் தூள் உப்பு சேர்த்து சப்பாத்தி மாவு பதத்தில் தண்ணீர் சேர்த்துப் பிசைந்து கொள்க. அரை மணி நேரம் ஊறட்டும். ஒரு உருளைக்கிழங்கை குக்கரில் நன்றாக வேக வைத்துக் கொள்ளவும். பெரிய வெங்காயத்தை பொடியாக அரிந்து கொள்ளவும்.

மஞ்சள்தூள், கரம் மசாலாத்தூள், இஞ்சி பூண்டு விழுது, சீரகம் அனைத்தையும் எடுத்து வைத்துக் கொள்ளவும். ஒரு வாணலியில் ஒரு டேபிள்ஸ்பூன் எண்ணெய் வைத்து அதில் சீரகம் சேர்த்து பொரிக்கவும். பிறகு வெங்காயத்தை சேர்த்து வதக்கவும். அவனுடன் இஞ்சி பூண்டு விழுது,பட்டாணியும் சேர்த்து வதக்கிக் கொள்ளவும. இவை ஓரளவு வதங்கிய பிறகு அதில் கரம் மசாலாத்தூள் மஞ்சள்தூள் சேர்த்துக் கொள்ளவும்.உபு லேசாக சேர்த்துக் கொள்ளவும்.

வேக வைத்த உருளைக்கிழங்கை மசித்து மிதமான தீயில் அத்துடன் சேர்த்து நன்றாக கலந்து கொள்ளவும்.. கடைசியாக பொடியாக நறுக்கிய கொத்தமல்லித்தழை சேர்க்கவும்.

ஊறிய மைதா மாவை உருண்டைகளாக உருட்டி எடுத்துக் கொள்ளவும்.பிறகு பூரி கட்டையிள் வட்டமாக தேய்த்துக் கொள்ளவும். அதன்பின் படத்தில் காட்டியுள்ளவாறு இரண்டாக கட் செய்து கொள்ளவும். ஒரு பாதியை முக்கோணமாக மடித்து ஸ்டடப்பிங் வைக்க தகுந்தாற்போல் மடித்துக் கொள்ளவும். ஓரங்களில் லேசாக தண்ணீரைத் தொட்டு தடவி விட்டு ஒட்டி கொள்ள வேண்டும்.பிறகு தேவையான அளவு ஸ்டெப்பிங் உள்ளே வைத்து கடைசிப் பக்கத்திலும் தண்ணீர் தொட்டு நன்றாக மூடி ஒட்ட வைத்துக் கொள்ளவும். எல்லா மூலைகளையும் நன்றாக தண்ணீர் தொட்டு நசுக்கிவிட்டு கொள்ளவும்.

இப்போது வாணலியில் பொரிக்கத் தேவையான அளவு எண்ணெய் சேர்த்து மிதமான தீயில் சமோசாக்களை சுட்டு எடுக்கவும். விடுமுறை தின என்ஜாய்மென்ட் மாலை ரெசிப்பி டீ அல்லது காபியுடன் தயார்.