தேவையான அனைத்து பொருட்களையும் தயாராக எடுத்து வைக்கவும். மேற்கூறியவாறு அனைத்து காய்கறிகளையும் அரிந்து எடுத்து வைத்துக் கொள்ளவும்.தனியா தூள் வரமிளகாய் தூள் சீரகம் மஞ்சள் தூள் கரம் மசாலா தூள் கடுகு எண்ணெய் எல்லாப் பொருட்களையும் எடுத்து வைத்துக் கொள்ளவும்.

ஒரு நான்ஸ்டிக் கடாய் அல்லது நல்ல அடி கனமான வாணலியில் 3 டேபிள்ஸ்பூன் வரை அல்லது தங்களுக்கு தேவையான எண்ணெய் சேர்த்து காயவிடவும் அதில் கடுகு சீரகம் சேர்த்து பொரிய விடவும். பிறகு பொடியாக அரிந்த வெங்காயத்தை பச்சை மிளகாயுடன் சேர்த்து சிவக்க வதக்கவும். அதன் பிறகு இஞ்சி சேர்க்கவும்.பிறகு அதில் உருளைக்கிழங்கை சேர்த்து சிவக்க வதக்கவும். பிறகு பச்சை பட்டாணி அதன் பிறகு தக்காளி சேர்த்து கலந்து விடவும்.

இவற்றில் இப்போது வர மிளகாய்த்தூள் தனியாத்தூள் மஞ்சள்தூள் தேவையான தூள் உப்பு அனைத்தையும் சேர்த்து பச்சை வாசனை போக நன்கு வதக்கி விடவும். பிறகு முட்டைக்கோஸ் காயை சேர்த்து வதக்கவும் லேசாக தண்ணீர் தெளித்துக் கொள்ளவும்.. லேசாக தண்ணீர் தெளித்தால் உருளைக் கிழங்கு வேகும். அதனால் நான் லேசாக தண்ணீர் தெளித்து வேக விட்டேன். இந்த ரெசிபியின் எழுத்தாளர் தண்ணீர் சேர்த்துக் கொள்ளவில்லை.