ஒரு கப் கோதுமை மாவில் அரை ஸ்பூன் உப்பு, அரை ஸ்பூன் மஞ்சள் தூள், ஒரு ஸ்பூன் எண்ணெய் சேர்த்து சப்பாத்தி மாவு பதத்தில் பிசைந்து வைத்துக் கொள்ளவும்

ஒரு பெரிய வெங்காயத்தை பொடியாக அரிந்து கொள்ளவும். கருவேப்பிலை,கொத்தமல்லி பொடியாக அரிந்து கொள்ளவும். மூன்று பச்சை மிளகாயை சன்னமாக அறிந்து கொள்ளவும். இஞ்சி பூண்டு பேஸ்ட் அரை ஸ்பூன் எடுத்து வைத்துக் கொள்ளவும். அரை ஸ்பூன் மஞ்சள் தூள், தூள்உப்பு தேவையான அளவு, அரை ஸ்பூன் சாட் மசாலா, மற்றும் அரை ஸ்பூன் கரம் மசாலா எடுத்துக் கொள்ளவும்.இவற்றை வேகவைத்து நன்றாக மசித்த உருளைக்கிழங்குடன் சேர்த்து மீண்டும் நன்கு கலந்து மசித்துக் கொள்ளவும்.

இப்போது சப்பாத்தி மாவை சப்பாத்தியாக தேய்த்து கொள்ளவும். மிகவும் மெலிதாக தேய்த்துக் கொள்ள வேண்டாம். கொஞ்சம் மொத்தமாக தேய்த்து கொள்ளவும், படத்தில் காட்டியுள்ளபடி.பிறகு தேய்த்த சப்பாத்தியில் மசித்த உருளைக்கிழங்கை பரவலாக வைக்கவும். ஓரங்களை விட்டு விடவும். இதை படத்தில் காட்டியுள்ளபடி சுருட்டி கொள்ளவும்.

இரு ஓரங்களையும் மடித்துக் கொள்ளவும். இப்போது கத்தி கொண்டு இரண்டு இன்ச் அளவு வெட்டி கொள்ளவும். வெட்டிய துண்டுகளை உள்ளங்கையில் அழுத்தி தட்டையாக்கி கொள்ளவும்.

இதேபோல் எல்லா துண்டுகளையும் செய்து வைத்துக் கொள்ளவும். இப்போது ஒரு ஃப்ரை பேனில் தேவையான அளவு எண்ணெய் விட்டு சூடு ஏறியவுடன் அதில் ஸ்டாப்பிங்கை வைக்கவும். ஒருபுறம் சிவந்தவுடன் திருப்பி விட்டு மறு புறமும் சிவக்க விடவும். நன்கு பொன்னிறமாக எல்லாவற்றையும் சுட்டு எடுக்கவும்

சூடாக டொமேட்டோ சாஸ் உடன் தொட்டு சாப்பிட சுவையாக இருக்கும். குழந்தைகளுக்கு மாலை நேர ஸ்நாக்ஸாக கொடுக்க மிகவும் விரும்பி சாப்பிடுவார்கள்.