ஒரு வாணலியை ஸ்டவ்வில் வைத்து சூடானதும் பாசிப்பருப்பை சேர்த்து வறுக்கவும். சூடு ஆறியதும் தண்ணீரில் சேர்த்து கழுவி,ஒரு பாத்திரத்தில் போட்டு கொஞ்சமாக தண்ணீர் சேர்த்து ஐந்து நிமிடங்கள் ஊற வைக்கவும்.

பின்னர் ஒரு பாத்திரத்தில் தண்ணீர் சேர்த்து ஸ்டவ்வில் வைத்து கொதித்ததும், அதில் ஊற வைத்துள்ள பருப்பை சேர்த்து வேக வைக்கவும்.

வாழைத்தண்டை தோல் சீவி பொடியாக நறுக்கி,நார் எடுத்து தயாராக, மோர் கலந்த தண்ணீரில் போட்டு தயாராக வைக்கவும்.

ஒரு மிக்ஸி ஜாரில் தேங்காய் துண்டுகள்,சீரகம், மிளகு, பச்சை மிளகாய், கறிவேப்பிலை, கொஞ்சமாக தண்ணீர் சேர்த்து நன்கு அரைத்து வைத்துக் கொள்ளவும்.

பின்னர் வேகும் பருப்பில் நறுக்கி வைத்துள்ள வாழைத்தண்டை சேர்த்து, அத்துடன் மஞ்சள் தூள்,தேவையான அளவு உப்பு, அரைத்து வைத்துள்ள தேங்காய் விழுது சேர்த்து கலந்து, மூடி வைத்து பத்து நிமிடங்கள் மிதமான சூட்டில் வைத்து வேக வைக்கவும்.

தயாரான கூட்டை எடுத்து ஒரு பரிமாறும் பௌலில் சேர்க்கவும்.

இந்த கூட்டில் வெங்காயம் ஏதும் சேர்க்காமல் செய்துள்ளதால் இது ஒரு சாத்விக் உணவாக விரத நாட்களில் உட்கொள்ளலாம். மிகவும் சுவையாக இருக்கும். மசாலா காரம் இல்லாததால் குழந்தைகள் முதல் பெரியவர்கள் வரை அனைவரும் சுவைக்கலாம்.