தேவையான பொருட்களை எடுத்துக் கொள்ள வேண்டும்.

பெரிய துளை உள்ள சல்லடையில் அவல் சேர்த்து,லேசாக சலித்தால் தூசுகள் வெளியேறிவிடும்.

பின்,வெறும் வாணலியில் அவல் சேர்த்து கைகளால் அழுத்திப் பார்த்தால் நொடியும் அளவிற்கு கலர் மாறாமல் வறுக்கவும்.

பின் ஆற வைத்து மிக்ஸி ஜாருக்கு மாற்றி மையாக அரைக்கவும். அரைத்த பிறகு, எடுத்துக் கொண்ட அவல்க்கு பாதி அளவு (2.25கப்)மாவாக கிடைக்கும்.

காலையில் இடியாப்பம் செய்வதற்கு முந்தைய நாள் இரவு இவ்வாறு அரைத்துக் கொண்டால் சுலபமாக இருக்கும்.

ஒரு பாத்திரத்தில் 1 கப் அவலுக்கு 1கப் தண்ணீர் வீதம் 4.5கப் தண்ணீர் ஊற்றி எண்ணெய் மற்றும் தேவையான அளவு உப்பு சேர்த்து கொதிக்க விடவும்.

நன்றாக கொதித்ததும் அரைத்து வைத்த அவல் சேர்த்து கிளறவும். அவல் வெந்து பாத்திரத்தில் ஒட்டாமல்,திரண்டு வரும் பொழுது அடுப்பை அணைத்து 5 நிமிடங்களுக்கு மூடி வைக்கவும்.

பின்னர் வேகவைத்த மாவை வேறு தட்டிற்கு மாற்றி குளிர் நீரில் கைகளை நனைத்து நன்றாக அழுத்தி விட்டு உருண்டை பிடிக்கவும்.

இனி,ஒவ்வொரு உருண்டைகளாக இடியாப்ப அச்சில் வைத்து பிழிந்து இட்லி குக்கரில் தண்ணீர் கொதிக்க ஆரம்பித்ததும்,பிழிந்ததை வைத்து 10 நிமிடங்கள் வேக வைத்து எடுக்கவும்.

அவ்வளவுதான். சுவையான அவல் இடியாப்பம் ரெடி. எப்பொழுதும் போல்,தேங்காய் மற்றும் சர்க்கரை அல்லது தேங்காய்பால் சேர்த்து சாப்பிடலாம்.