தேவையான பொருட்களை எடுத்து வைத்துக் கொள்ளவும். காய்கறிகளை சுத்தம் செய்து பொடியாக நறுக்கவும்.

அடுப்பை மிதமான தீயில் வைத்து கடாயில், தண்ணீர், வினிகர் சேர்த்து நன்கு கொதித்ததும் நூடுல்ஸை சேர்க்கவும்.

5 நிமிடம் வெந்ததும் வடிகட்டவும்.

வடிகட்டியதும், சோளமாவில் நன்கு பிரட்டிக் கொள்ளவும்.

அடுப்பை சிறு தீயில் வைத்து கடாயில் எண்ணெய் விட்டு காய்ந்ததும், நூடுல்ஸை பொரித்துக் கொள்ளவும்.

அடுப்பை ஹையில் வைத்து, கடாயில், 2 ஸ்பூன் எண்ணெய் விட்டு காய்ந்ததும், செலரியை சிறிது வதக்கியதும்,கேரட், உப்பு போட்டு வதக்கவும்.

அடுத்து கோஸ், சிறிது தண்ணீர் சேர்த்து வேக விடவும்.

தண்ணீர் சேர்த்து காய்கறிகள் சற்று வெந்ததும், கரைத்த சோள மாவு, மிளகுத்தூள் சேர்க்கவும்.

பிறகு சோயா சாஸ் சேர்த்து திக்காக கொதித்து காய்கறி 3/4 பாகம் வெந்ததும் அடுப்பை நிறுத்தி விடவும்.

பிறகு பௌலுக்கு மாற்றி, மேலே பொரித்த நூடுல்ஸை போடவும்.

இப்போது, சுவையான, சுலபமான, வித்தியாசமான,*மன்சோவ் சூப்*தயார்.பிளேட்டை சுற்றி அலங்கரித்துக் கொள்ளவும். செய்து பார்த்து என்ஜாய் செய்யவும்.

குறிப்பு:- இந்த சூப் இந்தோ சைனா ஸ்பெஷல். வெள்ளை மிளகுத்தூள் இருந்தால் பயன் படுத்தவும்.