வெண்டைக்காயை கழுவி, தண்ணீரை சுத்தமாக துடைத்து விட்டு, சிறிய நறுக்கி வைத்துக் கொள்ளவும்.

வாணலியை ஸ்டவ்வில் வைத்து சூடானதும் கொஞ்சம் அதிகமாக எண்ணெய் ஊற்றி காய்ந்ததும் நறுக்கி வைத்துள்ள வெண்டைக் காயை சேர்த்து பொரித்து எடுக்கவும்.

பின்னர் அதே எண்ணெயில் கடுகு,பூண்டு,சாம்பார் வெங்காயம்,கறிவேப்பிலை சேர்த்து நன்கு வதக்கவும்.

அத்துடன் மஞ்சள் தூள்,காஷ்மீர் மிளகாய் தூள் சேர்த்து வதக்கி, அரைத்து வைத்துள்ள தக்காளி விழுது சேர்த்து நன்கு வதக்கவும்.

பின்னர் அரை கப் புளிக்கரைசல், கொஞ்சம் தண்ணீர் சேர்த்து, தேவையான அளவு உப்பு சேர்த்து பத்து நிமிடங்கள் கொதிக்க வைக்கவும்.

அதன்பின் பொரித்து வைத்துள்ள வெண்டைக் காயை சேர்த்து விருப்பப்பட்டால் கொஞ்சம் வெல்லம் சேர்த்து நன்கு கலந்து விடவும். ஐந்து நிமிடங்கள் கொதிக்க வைத்து
இறக்கி,மூடி வைத்து விடவும்.

பரிமாறும்போது எடுத்து கலந்து ஒரு பௌலில் சேர்க்கவும்.

இப்போது மிகவும் சுவையான வெண்டைக்காய் கார குழம்பு தயார். சாதம், தயிர் சாதம், இட்லி, தோசைக்கு மிகவும் பொருத்தமாக இருக்கும்.