*முருங்கைக்காய் பால் கறி*

தேவையான பொருட்களை எடுத்து வைத்துக் கொள்ளவும்.

முருங்கைக்காய், வெங்காயம், இரண்டையும் சுத்தம் செய்து, முருங்கைக் காயை சற்று பெரிய துண்டுகளாகவும், வெங்காயத்தை பொடியாகவும் நறுக்கவும்.

அடுப்பை மிதமான தீயில் வைத்து, கடாயில் எண்ணெய் விட்டு சூடானதும், கடுகை போட்டு பொரிந்ததும், வெங்காயம், ம.தூள், உப்பு, சேர்த்து நன்கு வதக்கவும்.

பிறகு, நறுக்கின முருங்கைக்காய், மிளகாய், தண்ணீர் சேர்த்து வேக விடவும்.

ஒன்று சேர கொதித்ததும், பாலை சேர்த்து கொதித்து கெட்டியானதும், அடுப்பை நிறுத்தி விடவும்.

மேலே கொத்தமல்லி தழையை போடவும். இப்போது, சுவையான, சுலபமான,*முருங்கைக்காய் பால் கறி*தயார். இது, சாம்பார் சாதம், ரசம் சாதத்திற்கு மிகவும் ஆப்ட்டாக இருக்கும். சூடான சாதத்தில் நெய் விட்டும் சாப்பிடலாம். செய்து அசத்தவும்.