بنقب السبانخ وبقطعه وبغسل السبانخ بالماء أكثر من مره حتى نتخلص من التراب العالق فيها
بحطه بالمصفاه وبنزل عليه ملعقه كبيره مليانه من الملح بقلبه وبتركه بالمصفاه مده ساعتين حتى تنزل ميه السبانخ
وبتركه ع جنب

رح احضر للعجينه
رح نحتاج كاستين ماء دافئ بحطهم بصحن العجين ورح أضيف ملعقه كبيره مليانه من الخميره بالاضافه إلى ملعقه كبيره مليانه من السكر بنحركهم مع بعض ورح اتركهم لحتى الخميره تفور ١٠ دقائق

لازم نتأكد انه الخميره فارت
بنزل ٥ كاسات من الطحين
في البدايه بنزل ٤ كاسات ونص وبعدين بنضيفها بالاخير حسب نوع الطحين وبنضيف ملعقه صغيره ملح في العجان على سرعه ٢ حتى تتماسك عندي العجينه
بنزل ربع كاسه من زيت الزيتون وبرجع بعجنها حتى تلم معنا ولازم تكون العجينه طريه شوي
بصحن بدهن شويه زيت زيتون وبحط العجينه فيها وبتركها ترتاح ساعه (وضروري ترتاح)

بعصر السبانخ
وبنزله بصينيه حتى اعرف اقلبها بضيف ٣ حبات بصل تقطيع خشنه و٣ ملاعق كبيره سماق وملعقه كبيره فلفل حار مجروش او شطه بلديه و٣ حبات من عصير الليمون و٣ ملاعق كبار من دبس الرمان بنفركهم شوي ورح أضيف نص كاسه زيت زيتون
بحطه بصحن وبتركه نص ساعه حتى تنزل كل السوائل

بنرجع للعجينه
بقطعها كرات وبنحط عليها شويه زيت زيتون وبتركها كمان نص ساعه

بحط السبانخ بالمصفاه حتى نتخلص من السوائل

كميه منيح من زيت الزيتون رح افتحها واتركها ترتاح حتى اخلص كل كرات العجين
بهاي الطريقه ما بتغلبكم العجينه وبتفتح معنا بكل سهوله
رح افرد العجينه كثير منيح ورح احط كميه من السبانخ ورح اوزعه على كل قطعه العجين
كميه السبانخ ما بتكون كثير
ورح ابلش اطبق فيها باخذ الطرف بنحطه لنص بحط كميه من السبانخ وبعدين باخذ الطرف الثاني بحطه على الطرف السبانخ وكمان بضيف كميه بسيطه من السبانخ بنشد الأطراف على بعض وبنثبته
وبعمل كل الكرات بهاي الطريقه
بحطه بصينيه مفروشه بورق زبده مدهونه بكميه بسيطه من زيت زيتون بتركهم

بتركهم يرتاحو وبفردهم وبحط ع الوجه زيت زيتون
زيت الزيتون بعطيها القرمشه والطعم الذيذ

وبدخلهم فرن حامي ع درجه حراره ٢٠٠ الرف الوسط من الفرن
وبشويها من فوق مده دقيقه واول ما يطلعو بدهنه بكميه بسيطه من زيت الزيتون
تقدم وهي سخنه مع كاسه شاي
وصحتين وعوافي