સીંગદાણાને શેકી તેને ઠંડા થવા દો. પછી તેનાં ફોતરા કાઢી લો. મિક્સરજારમાં શીંગદાણા, ગાંઠિયા અને તલ ઉમેરી તેને ક્રશ કરી એક બાઉલમાં કાઢી લો.

પછી તેમાં લાલમરચુ પાઉડર, ધાણાજીરૂ, હિંગ, હળદર, ગરમમસાલો, મીઠું, કોથમીર અને ૨ ચમચી પાણી ઉમેરીને વ્યવસ્થિત મિક્સ કરી લો.

ટીંડોળાનાં ડીંટિયા કાઢી તેમાં વચ્ચે કાપા કરીને તૈયાર કરેલ મસાલો તેમાં ભરી લો. સ્ટીમરમાં પાણી ગરમ કરીને ભરેલા ટીંડોળા ૧૫ મિનીટ માટે બાફી લો.

કડાઈમાં તેલ ગરમ કરીને તેમાં રાઈ, જીરૂ, તલ, હિંગ, હળદર અને ટામેટા ઉમેરો. ટામેટા નરમ થઈ જાય પછી તેમાં બાફેલાં ટીંડોળા અને વધેલો મસાલો ઉમેરીને હળવા હાથે મિક્સ કરી લો.

પછી લીંબુનો રસ, ખાંડ અને કોથમીર ઉમેરીને હલાવી લો.

તો ભરેલા ટીંડોળાનું શાક તૈયાર છે.