प्रथम पातीचा कांदा व पात दोन्ही स्वच्छ धुवून बारीक चिरून घ्यावी. इतर सर्व साहित्य वाटी मध्ये काढून घ्यावे.

एका कढईत तेल गरम करायला ठेवावे. तेल गरम झाले कि त्यात जीरे व बारीक चिरलेला लसूण घालावा.

लसूण लालसर झाल्यावर त्यात कांदा घालून परतून घ्यावे. त्यात हिंग व हळद घालावी.

त्यात कांदा पात, तिखट व जीरा पावडर घालावी.

धणे पावडर, मीठ व बेसन घालावे.

गोडा मसाला घालून परतून घ्यावे व झाकण ठेवून वाफेला ठेवावे. 5 मिनीटे शिजू द्यावे. गॅस बंद करावा.

भाजी एका भांड्यात काढून त्यावर कोथिंबीर घालून गार्नीश करावे. ही भाजी ज्वारी-बाजरीच्या भाकरी बरोबर खायला खूप छान लागते.