उकडलेल्या बटाट्याची साल काढून किसणीने किसून घेणे. सर्व मसाले व मीठ घालून घेणे. कसुरी मेथी हातावर चोळून घालणे.

मिश्रणाचा व्यवस्थित गोळा करून घेणे. त्या गोळ्याचे व मळलेल्या कणकेचे छोटे-छोटे समान गोळे करून घेणे. कणकेची पारी करून त्यात मिश्रणाचा एक गोळा ठेवून व्यवस्थित उंडा करून घेणे.

पोळपाटावर पीठ टाकून मध्यम जाडसर पराठा लाटून घेणे. तापलेल्या तव्यावर थोडेसे तेल किंवा तूप लावून घेणे. लाटलेला पराठा तव्यावर टाकून, दोन्ही बाजूने तूप किंवा तेल लावून व्यवस्थित भाजून घेणे.

अशाप्रकारे सर्व पराठे करून घेणे. टोमॅटो सॉस किंवा हिरव्या चटणी सोबत खावे. तसेही छान लागतात.