સૌથી પહેલાં એક વાસણમાં પાણી ગરમ કરવા મુકો. ખીચું એકદમ સરસ બનાવવા માટે હંમેશા જેટલો લોટ હોય એનાં કરતાં ત્રણ ગણું પાણી લેવું જરુરી છે. કોઈ ક વાર લોટ બહુ જુનો હોય તો જરા વધારે પાણી ની જરુર પડે છે. બાકી ૧:૩ ના માપ થી એકદમ પરફેક્ટ ખીચું બંને છે. એટલે જે વાટકી કે ચમચા થી લોટ લો એનાં થી જ ૩ ગણું પાણી માપી ને લો. પાણી જરા ગરમ થાય એટલે મીઠું, આખું જીરું,ખારો અને બેકીંગ સોડા ઉમેરો. મીરચી કટરમાં પીસેલાં લીલાં મરચાં ઉમેરો.

પાણીમાં બબલ આવે એટલે ગેસ એકદમ ધીમો કરી ચોખાનો લોટ ઉમેરો.વેલણ થી સરસ હલાવી ને લોટ ને પાણી માં મીક્ષ કરો. આ કામ ખુબ ફટાફટ કરવાનું છે, નહીં તો લોટ માં ગાંઠો પડસે. સરસ રીતે લાકડાનાં વેલણ થી મીક્ષ કરી લીધાં પછી ગેસ બંધ કરી દો.

હવે, લોટ ને બાફવાનો છે. આ કરવું ખુબ જ જરુરી છે. એકદમ સરસ લોટ તૈયાર થસે. એક વાસણમાં પાણી મુકી ઢોકળા મુકતાં હોય એ રીતે પણ લોટ બાફી સકાય છે. હું કુકર માં બાફું છું,જલદી થઈ થઈ જાય છે. કુકરમાં કાંઠો મુકો, નીચે પાણી ઉમેરો. હવે, કુકરનાં ડબ્બાં તેલ ઉમેરો. તેમાં બનાવેલ ચોખાનો લોટ નાંખો. હું ઉપર થી ખાતી વખતે કાચું તેલ નથી લેતી એટલે અંદર જ સરખું તેલ નાખું છું. તમે ઉપર થી ખાતી વખતે તેલ લેવાનાં હોવ તો બાફતી વખતે ઓછું તેલ નાંખો.

હવે, કુકર નું ઢાંકણ બંધ કરી દો. ૧૦-૧૨ મીનીટ માટે એને મીડીયમ ગેસ પર સરસ ચડવા દો. ખાસ એ વાતનું ધ્યાન રાખો કે કુકરમાં સીટી નથી મુકાવાની. એમ જ મુકવાનું છે. ૧૨ મીનીટ પછી ગેસ બંધ કરી દો.

કુકર ખોલી લોટ ને ચમચી થી સરસ હલાવી લો. તૈયાર છે, ટેસ્ટી ખીચું.

આ ખીચા પર જોઈએ તો જરા તેલ લો. ઉપર મેથી નો મસાલો (અથાણાંનો મસાલો)ભભરાવો અને ગરમ ગરમ સ્વાદિષ્ટ ખીચું એન્જોય કરો.