સૌપ્રથમ ચણા ની દાળ તેમજ તુવેરદાળ લઈ તેને૨ કલાક માટે પાણી માં પલાળી રાખો. ત્યારબાદ તેને કૂકર માં બાફી લો.

હવે ટમેટાં, ડુંગળી, મરચાં સમારી લો અને લસણ તેમજ આદું ની પેસ્ટ કરી લો.

હવે એક કડાઈમાં થોડું તેલ અને ઘી મૂકી તેમાં રાઈ, જીરું, હીંગ,લીમડો, સૂકાં મરચાં, તજ લવિંગ, ઉમેરો. વઘાર થઈ જાય એટલે તેમાં ડુંગળી ઉમેરી તેને સાંતળો ત્યારપછી તેમાં આદું લસણ ની પેસ્ટ ઉમેરો પછી તેમાં લીલાં મરચાં, ટમેટાં ઉમેરી તેને થોડા ગળવા દો. તેમાં ૧/૨ ગ્લાસ પાણી ઉમેરો.હવે બાજુ ના ગેસ પર મેં એક કોલસો સળગવા મુક્યો છે.

ત્યારબાદ તેમાં બધાં મસાલા ઉમેરી તેમાં કોથમીર ઉમેરો. દાળ ને ઉકળવા દો. ત્યારપછી બાજુ ના ગેસ પર વઘારીયું લઈ તેમાં તેલ ઉમેરી, હીંગ, લાલ મરચું, મરચાં ની ભૂકી ઉમેરી તેનો વઘાર કરી દાળ માં ઉપર થી ઉમેરો. ત્યારબાદ મેં એક વાટકીમાં સળગતો કોલસો મૂકી તેમાં એક ચમચી ઘી ઉમેરી તેને સ્મોકિંગ ફ્લેવર આપ્યું.હવે ગેસ બંધ કરી દો. તો તૈયાર છે દાળફ્રાય રેસ્ટોરન્ટ સ્ટાઈલ.