સૌથી પહેલા બધી વસ્તુ ને સરસ ધોઈ ને કોરી કરી લો. લીલી હળદર, આંબામોર અને ગાજર ની છાલ કાઢી લો.

હવે, લીલીહળદર, આંબા હળદર, ગાજર અને બધા કલરનાં કેપ્સીકમ ને લાંબી પાતળી ચીરી માં સમારી લો. નીચે પહેલા ફોટા માં બતાવ્યું છે તે મુજબ.તેમાં લીંબુ ના બીનકાઢેલાં નાનાં ચોરસ ટુકડાં કરી ઉમેરો. હવે તેમાં રાઈનાં કુરીયાં, તેલ ઉમેરી સરસ મીક્ષ કરો.

હવે, તેમાં ટેસ્ટ મુજબ મીઠું ઉમેરો, મેથીનો મસાલો અને લીબું નો રસ ઉમેરી રરસ રીતે હલાવી મીક્ષ કરો. તમે ઇચ્છો તો આમાં બી જ કાઢેલાં લીલા મરચાં પણ ઉમેરી સકો છો. મેં નથી ઉમેર્યાં. તીખું કરવાં મેં લાલ મરચું ઉમેર્યું છે.

આ બધું સરસ રીતે હલાવી ૧-૨ દિવસ સુધી એને અથાવા દો. ઢાંકી ને કીચન માં રાખો. દિવસ માં ૩-૪ વાર હલાવતાં રહો. ૨ દિવસ પછી ધોઈ ને કોરી કરેલે કાચની બરણીમાં ભરી લો. આ અથાણા ને રેફરીજરેટરમાં મુકી દો. બહુ જ ટેસ્ટી અને એકદમ હેલ્ધી અથાણું તૈયાર થાય છે. અમારી ઘરે આ બધાનું ખુબ જ ફેવરેટ છે. તમારે આમાં ગળપણ નાંખવું હોય તો પણ નાંખી સકો છો. એ પણ સારું લાગે છે, અમારી ઘરે બધાને ખાટું વધારે ભાવે છે, એટલે હું ગોળ નથી ઉમેરતી.