સૌ પેહલા ડુંગળી નો બિરસ્તો બનાવી લો.

હવે બિરસ્તો અને દહીં મિકસી માં લઈ પીસી લો.

એક પેન માં કાજુ અને સૂકાં લાલ મરચા લઈ તેમાં પાણી નાખી 7 થી 8 મિનિટ સુધી બોઇલ કરી લો. ઠંડુ કરી તેને પીસી લો.

ટામેટાં ને પણ મોટાં કટ કરી પીસી લો.

હવે ગ્રેવી બનાવી લઈશું. તેના માટે એક પેનમાં તેલ લઇ તેમાં લવિંગ,ઈલાયચી, બાદિયા,વરિયાળી અને કસુરી મેથી ઉમેરી થોડું શેકી લો.

હવે ટામેટાં ની પેસ્ટ એડ કરી લો. તેમાં મીઠું નાખી થોડું પકાવો.

હવે આમાં કાજુ, મરચાં ની પેસ્ટ ઉમેરી ને 1 ગ્લાસ પાણી નાખી ઢાંકણ ઢાંકીને 2 મિનિટ સેકાવા દો. ગેસ બંધ કરી લો.

ગ્રેવી ઠંડી કરી તેને ચાળણીથી ગાળી લો.

ગ્રેવી માં બટર નો તડકો લગાવીશું. તેના માટે એજ પેન માં બટર લઈ તેમાં ખાંડ નાખી તરત ગ્રેવી ઉમેરી લોમ થોડું સિલ્કી થાય પછી તેમાં ક્રીમ ઉમેરી 2 મિનિટ શેકી ગેસ બંધ કરી લો. ગ્રેવી સ્મૂથ તૈયાર થશે.

હવે પનીર પરચા માટે એનું ફિલિંગ તૈયાર કરી લઈશું. તેના માટે એક પેન માં તેલ લઇ તેમાં મરચું, આદું,કાજુ,દ્રાક્ષ,પનીર, બટાકું,કોર્ન, મટર અને ગાજર ઉમેરી 2 થી 3 મિનિટ ઢાંકીને પકાવી લો.

ઠંડુ થાય પછી તેને મિક્સી માં એક વાર ફેરવી લો.

આને પેન માં લઈ તેમાં લાલ મરચું,મીઠું અને ખાંડ ઉમેરી મિક્સ કરી લો. થોડાં ધાણા ઉમેરી ગેસ બંધ કરી લો. પનીર પરચા નું ફીલિંગ તૈયાર છે.

હવે પનીર પરચા માટે એક પનીર નો બ્લોક લઈ તેમાંથી 2 કે 4 પાતળી સ્લાઈસ કરી લો. હવે આની એક સ્લાઈસ પર ફીલિંગ મૂકી ઉપર બીજી સ્લાઈસ મૂકી દો.

હવે ગ્રિલિંગ પેન માં બટર,ચીલી ફ્લેક્સ અને લીલા ધાણા ઉમેરી પનીર પરચા શેકવા મૂકી દો. બંને બાજુ પલટાવીને શેકી લો.

તૈયાર છે પનીર પરચા.

આના સાથે મે મટર જીરા રાઈસ પીરસ્યા છે. તમે પરોઠાં, ફૂલકા સાથે પીરસી શકો.