સૌપ્રથમ મોટી ડુંગળી ને લાંબી સમારી લો અને ટામેટાંને ક્રશ કરી લો. હવે અડધો કપ દહીંમાં વરિયાળીનો ભૂકો, લાલ મરચું પાઉડર, ધાણાજીરું પાઉડર, હળદર ઉમેરો અને મિક્સ કરો.

હવે એક પેનમાં 1 ચમચી ઘી અને 2 ચમચી તેલ ગરમ કરવા મુકો, ગરમ થઈ જાય પછી તેમાં જીરૂં, લવિંગ,ઇલાયચી,તમાલપત્ર, તજ અને મરી ઉમેરો ત્યાર બાદ તેમાં લાંબી સમારેલી ડુંગળી ઉમેરો. ડુંગળી બ્રાઉન થાય ત્યાં સુધી સાંતળો અને પછી તેમાં આદુ-લસણની પેસ્ટ અને ક્રશ કરેલા ટામેટા ઉમેરો અને ઢાંકીને ત્રણથી ચાર મિનિટ ચડવા દો.

ગ્રેવી ચડી જાય પછી તેમાં દહીંની પેસ્ટ ઉમેરો અને મિક્સ કરીને ઢાંકી ને ધીમા ગેસ પર રહેવા દો. હવે ૧૦૦ ગ્રામ પનીર લઈ તેના ચોરસ ટુકડા કરીને તેને તેલમાં શેલો ફ્રાય કરો.

હવે બીજું એક પેન લો. તેમાં1 ચમચી તેલ અને 1 ચમચી ઘી મિક્સ કરો પછી તેમાં ક્રશ કરેલા આખા ધાણા, જીરુ, આખા લાલ મરચાં, 1 લીલુ મરચું કાપેલ તેમાં ઉમેરો અને સાંતળો.પછી તેમાં નાની ડુંગળી મોટી કટ કરીને તેમાં મિક્સ કરો, ડુંગળી ને બહુ ચડવા દેવી નહીં પછી તેને તૈયાર કરેલી ગ્રેવી માં ઉમેરો.