સર્વ પ્રથમ ત્રણ મીડિયમ સાઇઝનાં ટામેટાં લેવાના. ત્યારબાદ તેને બે ભાગમાં કાપી લેવાના અને પછી તેમાં જરૂર મુજબ મીઠું ઉમેરી, એક ગ્લાસ પાણી નાંખી અને બાફવા મૂકી દેવાના.

ત્યારબાદ કુકર બંધ કરી અને ૪ સીટી થવા દેવાની.પછી કુકર ને ખોલી નાખવાનું અને ટામેટાંમાંથી જે છાલ રહી ગઈ હોય તે ચાકુ ની મદદથી કાઢી લેવાની.

ટામેટાંની છાલ નીકળી જાય ત્યારબાદ તેને બ્લેન્ડર ની મદદથી ક્રશ કરી લેવું.બે થી પાંચ મિનિટ માટે તેને ક્રશ કરવું.

એમાં એકદમ ફીણ થઈ જાય ત્યારબાદ તેને ગરણીની મદદ થી ગાળી અને એક બાઉલમાં કાઢી લેવું. ત્યારબાદ ૧ નંગ તમાલપત્ર, બે નંગ લવિંગ અને બે નંગ બાદીયા લેવા.

ત્યારબાદ એક વાસણ લેવાનું. તેમાં એક ચમચી તેલ અને ૧ ચમચી ઘી ઉમેરી એ થઈ જાય ત્યારબાદ તેમાં આપણે તમાલપત્ર અને બધું લીધું તેમાં ઉમેરી દેવું.

એમાં આપણે જે ટામેટાં નું જ્યુસ કર્યું હતું તે નાખી દેવાનું. ત્યારબાદ તેમાં 1/2 ચમચી મરચાની ભૂકી અને 1/2ચમચી ખાંડ ઉમેરવી.

ખાંડ ઉમેર્યા બાદ તેમાં ચપટી ગરમ મસાલો ઉમેરવો અને ત્યારબાદ ચમચીની મદદથી મિક્સ કરી અને પાંચ થી દસ મિનિટ માટે ઊકળવા દેવું.

સૂપ ઉકડી જાય ત્યારબાદ તેને એક સર્વિંગ ગ્લાસમાં ટોસ્ટના ઝીણા ઝીણા ટુકડા કરી અને નાખી અને તેમાં સૂપ ને સર્વ કરવું. તૈયાર છે આપણું આ સ્વાદિષ્ટ ટોમેટો સૂપ.