પાલકને ધોઈ અને કોરી કરી લો.એક તપેલીમાં પાણી ગરમ કરવા મુકો.પાણી ગરમ થાય એટલે તેમાં પાલક નાખી અને ૩ મિનિટ માટે રાખો.ત્યારબાદ તેને ઠંડા પાણીમાં નાખી અને એક કાણાવાળા વાસણમાં કાઢી લો.

હવે ઘઉં નો લોટ,બેસન, ચોખાના લોટ માં તેલ તથા પનીર નું છીણ નાખી મોઈ લેવો.હવે તેમાં મીઠું,હિંગ,હળદર, લાલ મરચાંપાવડર,ધાણાજીરું,અજમો,તલ નાખી મીકસ કરી લો.હવે પાલકના પલ્પ વડે પરાઠાનો લોટ બાંધી લો.લોટને ૧૦ મિનિટ માટે ઢાંકીને મૂકી રાખો.ત્યારબાદ તેમાં થી પરાઠા જેવડો લુવો લઇ વણી લો.

ગેસ ઉપર લોઢી ગરમ કરવા મુકો અને ગરમ થાય એટલે ધીમા તાપે, પરાઠા ની બંને બાજુ બટર લગાવી શેકો.આ પરાઠા દહીં સાથે, ટોમેટો કેચપ સાથે ટેસ્ટી લાગે છે.