કંદ સેન્ડવીચ બનાવવા 500 ગ્રામ કંદ ને સારીરીતે ધોઈને છાલ ઉતારી સાફ કરી ને તેની સ્લાઈસ કરી લેવી

હવે કંદ ની બે સ્લાઈસ ની વચ્ચે લગાવવાનો મસાલો બનાવવા માટે
એક બાઉલ માં 2 ટેબલ ચમચી શીંગદાણા નો ભૂકો,
2 ટેબલ ચમચી કોપરા નો ભૂકો,
2 ટેબલ ચમચી તલ લઈ...
તેમાં 2 ટી ચમચી વાટેલા આદુમરચાં,
1 કપ સમારેલી કોથમીર,
1 ટેબલ ચમચી સમારેલુ લીલું લસણ,
2 ટી ચમચી ખાંડ,
1 ટી ચમચી લાલ મરચાનો પાઉડર,
2 ટી ચમચી ધાણાજીરું પાઉડર,
ચપટી હીંગ, 1 ટી ચમચી મીઠું,
2 ટેબલ ચમચી તેલ ઉમેરી સારી રીતે મીક્ષ કરી મસાલો તૈયાર કરવો.

મસાલો તૈયાર થઈ જાય એટલે તેને કંદ ની બે સ્લાઈસ વચ્ચે ભરી ને બધી સ્લાઈસ ની એક ડીશ માં સેન્ડવીચ તૈયાર કરી લેવી.

હવે આ મસાલો ભરીને તૈયાર કરેલી સ્લાઈઝ ને વરાળે બાફવા માટે જારી વાળી ડીશ પર ગોઠવીને વરાળે બાફવા તેને સ્ટીમ કુકર માં મૂકી ઢાંકણ બંધ કરી દેવું
15 થી 20 મિનિટ માં બફાય જશે.

તો તૈયાર છે ખૂબજ સ્વાદિષ્ટ ખુશ્બુ થી મહેકતી એવી કંદ સેન્ડવીચ...🥪