સૌપ્રથમ બધા શાકભાજી સુધારી લેવા તેમજ આદુ, મરચાં લીલા લસણની પેસ્ટ તૈયાર કરી લેવી અને બે ચમચી કોર્ન ફ્લોર લઈ તેમાં ચાર ચમચી પાણી નાખી ગાઠા ના પડે તે રીતે મિશ્રણ તૈયાર કરવું.

હવે એક કડાઈમાં તેલ મૂકી તેમાં ડુંગળી અને આદુ મરચા લીલા લસણની પેસ્ટ નાખવી અને હલાવો.

પછી તેમાં ડુંગળી ના પાન ઉમેરી હલાવો અને પછી બીજા શાકભાજી ઉમેરો ત્યારબાદ સ્વાદ મુજબ મીઠું અને મરી પાઉડર નાખી હલાવો.

ત્યારબાદ તેમાં રેડ ચીલી સોસ,ગ્રીન ચીલી સોસ,સોયા સોસ અને વિનેગર નાખી હલાવો પછી તેમાં બે ગ્લાસ જેટલું પાણી નાખી ઉકાળો.

પાણી ઊકળે પછી તૈયાર કરેલી કોર્નફ્લોર ની પેસ્ટ ઉમેરો અને ચારથી પાંચ મિનિટ માટે ઉકળવા દો પછી તેને સર્વિંગ બાઉલમાં કાઢી તેના પર ડુંગળી ના પાન થી ગાર્નિશ કરી ગરમાગરમ સર્વ કરો. શિયાળામાં આ તીખો તીખો સૂપ પીવાની ખૂબ મજા આવે છે