સૌપ્રથમ બાજરીના રોટલા ને બરાબર મસળીને ઝીણો ભૂક્કો કરી લો.

હવે એક કડાઈમાં તેલ ગરમ કરો ગરમ થાય પછી એમાં રાઈ ઉમેરો પછી જીરું,તલ,હિંગ ઉમેરી કાપેલા લસણ અને મરચા ઉમેરો.

લસણ-મરચા એક મિનિટ સાંતળો પછી તેમાં મેથી ઉમેરો. મેથીને બરાબર સાંતળી લો મેથી સંતળાઈ જાય પછી એમાં બધા મસાલા મરચું,મીઠું,હળદર અને ગરમ મસાલો ઉમેરો.

મસાલા ને 1/2મિનિટ માટે સાંતળો પછી એમાં ભૂકો કરેલો રોટલો ઉમેરો અને બરાબર મિક્સ કરી લો પછી એમાં 3 ટીસ્પૂન દળેલી ખાંડ ઉમેરો અને બરાબર મિક્સ કરો હવે એમાં બે ટેબલસ્પૂન જેટલું પાણી ઉમેરો અને બરાબર હલાવીને ઢાંકીને એક મિનિટ માટે ચઢવા દો.

ગરમા ગરમ રોટલા ને ચા સાથે સર્વ કરો. આ રોટલો ખાવા માં બહુ ટેસ્ટી લાગે છે અને શિયાળામાં તો ખાવાની મજા પડી જાય છે.