ઢોકળા બનાવતા પહેલા સ્ટીમર માં બે ગ્લાસ પાણી નાખવું અને સ્ટેન્ડ મૂકી ઢાંકી ને પાણી ઉકળવા દેવું.હવે ખીરા માં મેથી ના પાન,ક્રશ કરેલી મકાઈ,આખી મકાઈ દાણા,આદુ મરચા ની પેસ્ટ,હળદર અને મીઠું નાખી બધું બરાબર હાથેથી ત્રણ ચાર મિનિટ હલાવી ફીણી લેવું જેથી ખીરું હલકું બને અને તેમાં હવા ભરાય.

એક થાળી માં તેલ લગાવી તૈયાર રાખવી.ખીરા માં ઇનો અથવા બેકિંગ સોડા અને લીંબુ નો રસ નાખી બરાબર ફીણી ને થાળી માં નાખી દેવું.તેના પર તૈયાર કરેલો મસાલો ભભરાવવો.

હવે થાળી સ્ટીમર માં મૂકી ઢાંકી ને પંદર મિનિટ મધ્યમ આંચ પર ચડવા દેવું.પંદર મિનિટ પછી ટૂથ પીક અથવા ચાકુ થી ચેક કરવું.ગેસ બંધ કરી થાળી બહાર કાઢી દસ મિનિટ ઠંડુ થવા દેવા.

ઢોકળા ના કટકા કરી ગરમ ગરમ લીલું ચટણી કે ટોમેટો કેચઅપ સાથે પીરસવા.