प्रथम मेथीची जुडी साफ करून व स्वच्छ धुवून घ्यावी. निथळणीत पाणी निथळायला ठेवावे. मग बारीक चिरून घ्यावी. कांदा व हिरवी मिरची बारीक चिरून घ्यावी. लसूण पाकळ्या सोलून बारीक चिरून घ्यावा.

गॅसवर एका कढईत तेल गरम करायला ठेवावे. तेल गरम झाले कि त्यात हिंग घालावा. लसूण घालावा.

लसूण लालसर झाल्यावर त्यात मीरची व कांदा घालून परतून घ्यावे. कांदा लालसर झाल्यावर त्यात हळद घालून परतून घ्यावे.

आता त्यात मेथीची भाजी घालून परतून घ्यावे. मग त्यात मीठ व साखर घालून चांगले मीक्स करून घ्यावे.

चांगले परतून घ्यावे व भाजी दोन मिनिटे शिजू द्यावी. तयार भाजी एका वाटी मध्ये काढून घ्यावी.