સૌથી પહેલાં એક પેનમાં તેલ નાખી ગરમ થાય એટલે તેમાં જીરૂ, હીંગ, અજમો, આદુ, મરચાં, લસણ નાખી વઘાર કરો અને તેમાં મેથીની ભાજી નાંખો. અને તેને બરાબર પકવી લો.

ત્યારબાદ એક વાસણ માં ઘઉંનો લોટ અને ચણાનો લોટ નાખી તેમાં કોથમીર, હળદર, મીઠુ, લાલ મરચું પાઉડર, ધાણા જીરૂ, કાળા મરી નો ભુકો નાખી મિક્સ કરી લો.

ત્યારબાદ તેમાં ફ્રાઈ કરેલી મેથી નાંખો અને તેમાં ઘરની દૂધની મલાઈ નાખી બરાબર મિક્સ કરો.

ત્યારબાદ જરૂર મુજબ પાણી નાખી લોટ બાંધી લો. ત્યારબાદ લોટને ઢાંકીને 15-20 મિનિટ રાખી દો. ત્યારબાદ તેના પરાઠા વણો. એક વખત પરાઠુ વણી લીધા બાદ તેના પર ઘી લગાડી તેના પર ઘઉંનો લોટ પાથરી લો.

ત્યારબાદ એક કાપો કરી ત્યાંથી તેને ગોળ ગોળ વાળી લો

ગોળ વળાઈ ગયા પછી તેને દબાવી દો અને લોટ વાળું કરી પરાઠા વણી લો.

ત્યારબાદ બંને બાજુ ઘી લગાડી શેકી લો.